Buscar neste blog

xoves, 22 de decembro de 2022

ECOBANDASEQUEIROS POLO BARBANZA. RETO 3

ECO-RETO 3: NADAL SOSTIBLE

PROXECTO QUE IMPLICA A TODA ACOMUNIDADE EDUCATIVA.


Co propósito de ter un Nadal máis sostible propóñennos desde o Equipo de Medio Ambiente que para o RETO 3  os nenos traian da casa un borrador dalgunha receita que fagan durante o Nadal aproveitando as sobras que quedan das ceas ou comidas. 

Á volta de Nadal, con esas receitas  faremos despois un recetario.

As plantillas para escribilas entregarávolas o Equipo de Medio Ambiente Á VOLTA DE NADAL, para poder facelas cos vosos titores e decoralas nas clases de Art.

Teredes que FACER a receita EN GALEGO e por último decoralas con trociños de papel de regalo (xa sabedes, podemos darlle outra vida as cousas 😜)

Coma sempre esta será unha actividade voluntaria.

Tamén desde o Equipo de Medio Ambiente achégannos uns consellos para un Nadal Ecolóxico e polo tanto máis sostible.


Animádevos a conseguir o noso Nadal Ecolóxico! 

A Vaca Pepa.

mércores, 21 de decembro de 2022

RECOMENDACIÓNS LECTORAS, TEMPO DE NADAL.

 Ola familias!

Presentámosvos as recomendacións lectoras para esta época de Nadal. 

Están divididas en catro apartados:

- primeiros lectores

- lectores autónomos

- lectores expertos

- para saber máis (relacionados co proxecto do cole deste  ano)

Convidámosvos a que escollades libremente en función do voso nivel lector e os vosos gustos.



Un saúdo, Vaca Pepa e Bo Nadal!




luns, 19 de decembro de 2022

NICOMEDES O PELÓN. KALANDRAKA

 “Nicomedes o pelón” é unha historia breve e orixinal, humorística e surrealista.  

A historia deste simpático calvo adquire entidade propia, cunhas ilustracións moi expresivas e cheas de colorido, para contarnos que case ningún problema -nin sequera a inevitable caída do pelo- é tan importante como para non atopar unha saída máis vantaxosa e facer dun relativo ‘defecto’ unha gran virtude.

Os nosos axudantes de biblioteca teñen unhas ganas tremendas de contarlles contos aos máis peques. Alessia, Daniela, Iria, Laura e Elena contáronlles aos nenos/as de segundo o conto de Nicomedes. Unha bonita aventura para grandes e pequenos....

                            


Un saúdo, Vaca Pepa.

domingo, 18 de decembro de 2022

XOGOS DE NADAL.

Desde a biblioteca ofrecémosvos distintos xogos onde poderedes gozar deste tempo de Nadal. 

Axudaremos a atopar a Rodolfo o Reno, buscaremos os adornos do Nadal, faremos un escape room musical de Nadal... e moitas cousas máis.

Esperamos que vos divirtades moito!

Bo Nadal a todos e todas.


>


>






Un saúdo, Vaca Pepa.

venres, 2 de decembro de 2022

OBRADOIROS DE IGUALDADE. CONTACONTOS TROSKITA

Nas datas 30 de novembro e 2 de decembro, o alumnado de 1º ata 4º de primaria puideron gozar dos amigos da nosa querida TROSKITA na nosa Biblioteca.

O Concello da Pobra organizou uns contacontos para nós da man de TROSKITA. Neles coñecemos a moitos dos amigos de Troskita: Cobirdan, Brabucón ...

Ensináronnos moitas cousas: que non debiamos escondernos ante os problemas, que debiamos dicir o que pensabamos cando non estabamos de acordo con algunha situación, que o noso maior poder é a voz para defendernos, que non podemos ser teimudos que debemos chegar a un acordo e ... moitísimas cousas máis.

A verdade, que Troskita ten uns amigos incribles!


Un saúdo, Vaca Pepa.


xoves, 1 de decembro de 2022

NOVIDADES MES DE DECEMBRO

Durante o mes de decembro, os nenos/as que se acheguen á biblioteca durante o tempo de lecer recibirán un pequeno agasallo de Nadal por cada libro que leven para as súas casas.

Tamén temos na biblioteca unha pequena exposición dos novos libros que podemos levar a casa.

Se clicas na imaxe poderás velos.


Un saúdo, Vaca Pepa.


martes, 29 de novembro de 2022

OBRADOIROS DE IGUALDADE. 5º E 6º DE PRIMARIA.

O 25 e 29 de novembro o alumnado de 5º e 6º de primaria puideron gozar duns obradoiros de igualdade na Casa da Mocidade na aula FAB-LAB, organizados polo Concello da Pobra. 

Foron uns obradoiros ARTÍSTICO-DIXITAIS onde os alumnos puideron crear/deseñar un llavero en 3D, ademais de realizar unha serie de actividades relacionadas co 25N. Tamén puideron gozar de TROSKITA, nosa contacontos preferida.



Un saúdo, Vaca Pepa.


venres, 25 de novembro de 2022

HAI ALGO MÁIS ABURRIDO QUE SER UNHA PRINCESA ROSA?

 Carlota era unha princesa rosa. Co seu vestido rosa, o seu armario cheo de roupa rosa. Pero Carlota estaba cansada do rosa e de ser unha princesa. Quería vestirse de vermello, verde ou morado… non quería bicar ras para ver se eran príncipes azuis. Ela non quería príncipes encantadores. Carlota sempre se preguntou por que non había princesas que surcaban os mares en busca de aventuras. Ou princesas que rescataron príncipes das garras dun lobo feroz. Ou princesas que cazaban dragones ou voaban en globo.

Os alumnos de 2º traballaron con motivo do 25 N o conto Hai algo máis aburrido que ser unha princesa rosa?

Gustoulles moitísimo e decidiron crear as súas princesas e príncipes favoritos...Aqueles que podían ser o que eles quixeran.


Un saúdo, Vaca Pepa.

luns, 21 de novembro de 2022

NICOMEDES. EL PELÓN. KALANDRAKA.

“Nicomedes o pelón” é unha historia breve e orixinal, humorística e surrealista.  

A historia deste simpático calvo adquire entidade propia, cunhas ilustracións moi expresivas e cheas de colorido, para contarnos que case ningún problema -nin sequera a inevitable caída do pelo- é tan importante como para non atopar unha saída máis vantaxosa e facer dun relativo ‘defecto’ unha gran virtude.

Os nosos axudantes de biblioteca teñen unhas ganas tremendas de contarlles contos aos máis peques. Alessia, Daniela, Iria, Laura e Elena contáronlles aos nenos/as de primeiro o conto de Nicomedes. Unha bonita aventura para grandes e pequenos....

Os pequenos fixeron o seu propio Nicomedes.


Un saúdo, Vaca Pepa.

venres, 18 de novembro de 2022

ECOBANDASEQUEIROS POLO BARBANZA. RETO 2

 “A ARTE TEXTIL DA REUTILIZACIÓN E A RECICLAXE”

Dende 20-11-2022 ao 18-12-2022

PROXECTO QUE IMPLICA A TODA A COMUNIDADE EDUCATIVA.



Temos que darlle outro uso a algunha prenda de roupa que xa non usen ( ex: neceser con pantalón vaqueiro, bolsa para levar cousas con camisetas de tiras, Facer uns quentadores con medias vellas, manoplas de baño para enxabonarse con toallas vellas, trapos para limpar o po con calcetíns, facer un monedeiro con calcetín de bebé…).

Con estes obxectos farase un mercadillo solidario e cos cartos que se recauden donarase á  asociación para o coidado de animais “ A MOURA”.

ENLACES PARA SACAR IDEAS DE RECICLAXE DE ROUPA:

No la tires: once cosas para hacer con tu ropa vieja

En estado crudo

Ideas para reciclar y reutilizar ropa vieja 

19 Ideas creativas para calcetines viejos

Animádevos a reutilización e a reciclaxe. Xuntos podemos!

 Un saúdo, Vaca Pepa

xoves, 17 de novembro de 2022

25N. DÍA INTERNACIONAL CONTRA A VIOLENCIA DE XÉNERO.

Desde a Biblioteca queremos compartir convosco unha serie de contos para traballar nesta data, 25 N. Esperamos que vos sexan de utilidade aínda que o traballedes outro día diferente ao 25 N xa que a  coeducación e o bo trato son tarefas para todos os días do ano.




Hai sen dúbida moitos contos máis para abordar este tema, nós poñémosvos unha pequena selección. Algúns están na biblioteca e os que non están chegarán pronto.


Un saúdo, A Vaca  Pepa


EXPOSICIÓN POLA IGUALDADE.

 Durante estas semanas atoparedes na biblioteca unha exposición pola igualdade onde poderedes atopar algúns libros que tratan diversos temas:

- O respecto aos demáis.

- Libros sobre a igualdade de xénero.

- A figura da muller en diferentes ámbitos.

Animámosvos a que visitedes a biblioteca e aproveitedes estes recursos para aprender a respectar cos libros.


Na plataforma ELBE  atoparedes algúns libros para traballar o tema da violencia de xénero, o respecto entre iguas, contos para entender o mundo ...

Un saúdo, Vaca Pepa.

NOVIDADES MES DE NOVEMBRO.

 Temos na biblioteca unha pequena exposición dos novos libros que podemos levar a casa.

Se clicas na imaxe poderás velos.


Un saúdo, Vaca Pepa.


luns, 7 de novembro de 2022

CHARLA SOBRE O VIDRIO. SEPARACIÓN DE RESÍDUOS NO COLE.

Hoxe tivemos unha charla moi interesante na Biblioteca: "Separación de resíduos no cole".  Charla formativa sobre a correcta xestión dos residuos dirixida ao noso alumnado.

Preténdese así concienciar dende idades temperás sobre a importancia da separación na orixe e como facer unha óptima reciclaxe: que depositar no contedor xenérico, no de envases lixeiros, no de papel e cartón, e no de vidro.

Estes coloquios impartiunos persoal especializado de Ventos Estudos Ambientais, coa colaboración da Urbaser. Organizado pola concelleria do Medio Ambiente do Concello da Pobra.

Moi relacionado co proxecto de medio ambiente que temos este ano e co reto deste mes: "As raíces do vidro". Xa sabedes que neste curso escolar queremos traballar co noso alumnado e as familias nun consumo responsable, sostible e respectuoso co medio ambiente.


Un saúdo, Vaca Pepa.


venres, 28 de outubro de 2022

XORNADAS DE CONTACONTOS "O AVÓ E OUTRAS HISTORIAS PARA CONTAR" DA MAN DE CHARO PITA.

 O alumnado de 3º a 6º de Primaria gozou dunha xornada de contacontos da man de Charo Pita: "O avó e outras historias para contar". 

Actividade organizada polo Concello da Pobra do Caramiñal ao abeiro das XXIV Xornadas de Homenaxe a Valle Inclán.


Un saúdo, Vaca Pepa.


xoves, 27 de outubro de 2022

AXUDA A VACA PEPA NESTE SAMAÍN.

 Neste Samaín tes que axudar á Vaca  Pepa nunha tenebrosa aventura.

O malvado bruxo Bandaseco encerrou aos compañeiros que estaban na biblioteca! 

Ao bruxo non lle gustan os libros, pero tampouco quere que os nenos/as do noso colexio gocen da lectura e coñezan miles de aventuras que podemos atopar nos nosos libros.

Quere converter o noso colexio nun auténtico escenario digno de Samaín... ESCURO E SOMBRÍO

Temos que axudar á Vaca Pepa e aos nosos compañeiros. 

Ánimo!

Nós xuntos podemos!


domingo, 23 de outubro de 2022

FORMACIÓN DOS AXUDANTES DE BIBLIOTECA.

Nestas semanas teremos aos alumnos/as de sexto realizando unha formación para poder ser os nosos axudantes durante este curso. Algúns deles xa foron axudantes no curso pasado.

Estos alumnos/as traballarán voluntariamente na biblioteca na hora dos recreos.

QUE FAN OS AXUDANTES DA BIBLIOTECA? 

  • Colocan os libros, mantendo en orde os andeis.
  • Separan e arranxan os libros estragados.
  • Coidan a biblioteca, manténdoa en orde.
  • Axúdante a atopar o libro que buscas.
  • Recomendan lecturas a outros colegas ou nenos/as pequenos/as.
  • Fan préstamos ás compañeiras e compañeiros.
  • Axudan a decorar e preparar a biblioteca para actividades especiais…

E ademais este ano algúns deles están dispostos a contarlles contos aos nenos/as máis pequenos.

Como vedes...son uns campións!

Temos este recurso "QUE É A CDU?" elaborado por unha das nosas compañeiras, para que os axudantes coñezan un pouquiño máis a nosa biblioteca. Esperamos que vos guste.

(Clica na imaxe)


Tamén temos a GUÍA DA BIBLIOTECA que poden consultar todos os usuarios.



Un saúdo, Vaca Pepa.


venres, 21 de outubro de 2022

RECURSOS PARA O SAMAIN

 Dende o Parque Natural Complexo dunar de Corrubedo e lagoas de Carregal e Vixán propoñen un divertido xogo para poñer a proba os teus coñecementos sobre esta festa ancestral galega: O SAMAÍN. 



Un saúdo, Vaca Pepa.

A ORIXE DA NOSA LINGUA GUAPA.

Unha meiga, unha profesora e un grupo de nenas e nenos ben espelidos protagonizan do CPI Santa Lucía de Moraña a primeira película de ficción da Real Academia Galega, baseada en feitos abraiantes pero reais como a vida mesma. Non perdades a fascinante historia do nacemento dun idioma especial coma ningún outro, porque sodes vós as persoas que tendes o superpoder de seguir a darlle mil primaveras máis de vida! Só tendes que berrar e practicar este retrouso máxico: 

Nós, en galego! A nosa lingua guapa!

A orixe da nosa lingua guapa é un filme producido pola Real Academia Galega a partir dunha idea orixinal da académica Fina Casalderrey.



Un saúdo, Vaca Pepa.

EXPOSICIÓN CONTOS DE MEDO

 


Durante este mes de outubro temos a sorte de atopar na biblioteca da vaca Pepa unha exposición de contos de medo.

A exposición está dividida en tres zonas:

- Unha zona para os primeiros lectores onde os alumnos/as poden atopar libros ilustrados relacionados co Samaín,  monstros, bruxas,  momias,...e todo tipo de personaxes relacionados co tema do medo.

- Unha zona para lectores autónomos onde os alumnos/ as poden atopar libros ilustrados, cómics, libros de consulta, libros de narrativa,...  e de todo tipo relacionados co medo.

- Unha zona para lectores expertos onde os alumnos/ as poden atopar libros ilustrados, cómics, libros de consulta de conxuros, pócemas, libros de narrativa,...  e  de todo tipo relacionados co medo.

Esperamos que os alumnos/as poidan gozar das numerosas aventuras que poderán descubrir na nosa exposición.

Un saúdo, Vaca Pepa.

BAILAMOS AO RITMO DE SAMAÍN

 Ola a todos/as!

Aquí tedes unhas cancións de Samaín para que movades o esqueleto. 




Un saúdo, Vaca Pepa.

CINEMA DE MEDO. CONTOS DE SAMAÍN

Durante este tempo de Samaín gozaremos dos contos de medo dunha maneira diferente. Cada clase poderá visionar diferentes contos narrados nas diferentes linguas do centro (galego, castelán e inglés).


Gozaremos do noso cinema de medo en compañía dos nosos compañeiros de clase. Esperamos que vos gusten.


Neste  Genially poderedes atopar todos os recursos.



xoves, 20 de outubro de 2022

FORMACIÓN DE USUARIOS. ALUMNOS/AS DE 1º

 O 18 e 20 de outubro realizamos unha actividade para a formación de usuarios co alumnado máis pequeno do centro.

Coñecemos as normas básicas para usar a biblioteca, vimos a historia de " Caramuñas" contada por uns nenos coma nós. Tamén vimos o conto "O oso que amaba os libros".

A  profe  Cova contounos algúns contos a medias para que  viñeramos a buscalos á biblioteca se queriamos coñecer o seu final, cantamos e bailamos coa vaca  Pepa,... 

Coñecimos algunhas adiviñas sobre contos.

Divertímonos  un montón!

Agora só nos queda vivir grandes aventuras que atoparemos escondidas nos libros da nosa biblioteca.



Un saúdo, Vaca Pepa.


martes, 18 de outubro de 2022

ECOBANDASEQUEIROS POLO BARBANZA. RETO 1.

Neste curso escolar queremos traballar co noso alumnado e as familias nun consumo responsable, sostible e respectuoso co medioambiente.

Levaremos a cabo actividades moi sinxelas pero moi importantes. Algunhas destas actividades serán RETOS para o noso alumnado.

Estades preparados?

Aquí tedes o primeiro reto que propón o Equipo de Medioambiente: Mostrar que accións realizamos parar ser cidadáns responsables co medioambiente.

Para levar a cabo o reto teremos que demostrar que no noso centro, na nosa casa, cos amigos... tomamos conciencia do alto valor que ten o vidro no impacto ambiental e os múltiples usos que lle podemos dar a ese material tan antigo.





LEMBRA: 

Podedes REUTILIZAR OU RECICLAR O VIDRO porque... 

“O TEU CONSUMO DEIXA PEGADA”

Hashtag: #RetoResponsables


APERTURA DA BIBLIOTECA

Ola a todos/as!

Queremos comunicarvos que a Biblioteca abre as súas portas o día 19 de outubro.

Lembrar que poderedes ir en diferentes momentos:

  • Acompañados dos vosos titores na hora de biblioteca.
  • Os alumnos/as de 1º e 2º nos recreos dos mércores e algúns luns.
  • Os alumnos/as de 3º e 4º nos recreos dos xoves e algúns luns.
  • Os alumnos/as de 5ºe 6º nos recreos dos martes e algúns luns.
  • Todos os alumnos/as polas tardes, de martes a venres, de 16:00 a 18:00. (Para o empréstito de libros, para a devolución de libros, consultas para traballos ...)

Esperámosvos a todos/as!


Un saúdo, A Vaca Pepa.


domingo, 16 de outubro de 2022

NORMAS E FUNCIONAMIENTO DA BIBLIOTECA.

Ola a todos/as!

Presentámosvos este genially para que poidades coñecer ou lembrar as normas da biblioteca e o seu funcionamento.


NORMAS DA BIBLIOTECA. A CANCIÓN DA VACA PEPA


Ola a todos/as!
A Vaca  Pepa ten moitas ganas de cantar e bailar. Aquí deixámosvos unha canción na que os nosos/as alumnos/as poderán lembrar algunhas das normas da nosa biblioteca.
Animarvos a escoitala! Ten un ritmo moi pegadizo.





Un saúdo, Vaca Pepa

xoves, 13 de outubro de 2022

CONVOCATORIA AXUDANTES DA BIBLIOTECA.

 


Xa temos aquí a convocatoria para cubrir as vacantes dos axudantes de biblioteca. Sinalar que todo o alumnado de sexto que presente a solicitude será incluído nos equipos de axudantes.

Esperamos que gocen deste posto e que vivan o mundo da biblioteca con ilusión e agarimo.

Un saúdo, Vaca Pepa.

luns, 3 de outubro de 2022

ESCRIBIR A BIBLIOTECA ESCOLAR.

A Consellería de Cultura, Educación, Formación Profesional  e Universidades publica o lema e o cartel para as bibliotecas escolares de Galicia de cara a este curso 2022/2023. O lema elixido, ESCRIBIR A BIBLIOTECA ESCOLAR, quere poñer o foco en todas as formas de escrita que cuida e ofrece a biblioteca escolar . A escrita como medio de comunicación, expresión, creación, información e coñecemento.

 


A biblioteca escolar ofrece oportunidades e recursos para escribir e escribirnos:

- Escribir para saber, para aprender.

- Escribir para comunicar e comunicarnos.

- Escribir relatos, historias.

- Escribirnos, coñecernos a través da escrita: diarios, axendas,  biografía...

- Escribir xuntos en relatos colectivos, encadeados, libros viaxeiros, wikis…

- Escrita creativa: microrrelatos, haikus, collages, caligrafía…

- Escribir para deixar pegada e preservar a memoria individual e colectiva.

- Escribir para incluír e visibilizar.

- Traducir.

- Reescribir, versionar e adaptar.

- Escribir no audiovisual: guións, escaletas.

- Escribir para  estimular a creación.

 

Escribir para ser (lido), para que o lector e a lectora dea vida ao libro, ao escrito.

mércores, 21 de setembro de 2022

PRIMEIRA ANDAINA "OS CAMIÑOS DA MEMORIA"

 Benvidos ao novo curso na Biblioteca da Vaca Pepa!

O día 21 de setembro, Día Mundial do Alzheimer, comezamos cunha actividade xunto cos nosos maiores dos Centros de Día de Rois, Porto do Son e A Pobra do Caramiñal.

Os nenos e nenas do CEPP Salustiano Rey Eiras acompañamos aos nosos maiores nunha pequena andaina. Queriamos darlles o noso apoio e o noso agarimo. 

Fixemos a andaina ata os Xardíns de Valle Inclán e alí os nenos e nenas do centro leron poemas e outras composicións dedicadas á xente maior.

Unha maneira diferente de traballar o Día Mundial do Alzheimer.

MÁIS INFORMACIÓN

Desde a biblioteca queremos achegar diferentes contos que nos axuden a entender esta enfermidade, sobre a perda de memoria, o que conleva e como podemos axudar.

Un saúdo, Vaca Pepa.

sábado, 25 de xuño de 2022

PROGRAMA LUDIEDUCA DA CRUZ VERMELLA

 Ao longo de todo este curso os nenos e nenas de 3º curso participaron no programa da CRUZ VERMELLA obradoiros de igualdade. A empresa LUDIEDUCA foi a responsable de desnvolver este programa nas aulas.

Pincha na foto para ver o álbum

Como remate do programa, a CRUZ VERMELLA ofreceu un contacontos  para todos os alumnos e alumnas do centro, a cargo de Carmen, actriz da compañía de títeres Cachirulo. 

Os contos con que nos agasallaron son os seguintes: Artur e Clementina, Rosa Caramelo, de Adela Turin 



e Eu vou conmigo e Eu son, de Raquel Días Reguera





VOLUNTARIADO A

 

PINCHA NA FOTO PARA VER O SEU TRABALLO
Os alumnos e alumnas que participaron no programa de VOLUNTARIADO-A colaboraron en diversas actividades na biblioteca como repartir carteis anunciando os eventos da biblioteca, ordenar os libros, elaborar murais para as exposicións de libros, facer préstamos co programa MEIGA... Todo isto e moito máis. Fixeron moi bo traballo. PARABÉNS E MOI FELIZ VERÁN!

venres, 10 de xuño de 2022

QUEN SON?

A VODA DE LEILA

 Os nenos e nenas de Valores do 6º curso leron o libro "O Neno Can", de Fina Casalderrey.

Deste libro elixiron conto titulado "A Voda de Leila".

Os nenos e nenas fan unha reflexión sobre a situación de moitas nenas que aínda teñen idade de ir á escola e seguir formándose, cando son obrigadas a formar unha familia.



A ORIXE, O CAMIÑO

Os nenos e nenas de todo o cole precorreron o camiño "A Orixe" ao seu paso polo concello. Previamente, Manuel Mariño Nin ofreceu unhas charlas na biblioteca do centro. Preme nas fotografías para ver toda a reportaxe. 

PREME NA FOTO  PARA VER A REPORTAXE DAS CHARLAS

 

Preme na foto para ver a reportaxe da andaina.

EXPOSICIÓN DE LIBROS DO UNIVERSO

PINCHA NO CARTEL PARA VER AS FOTOS DA EXPOSICIÓN

DÍA DE ROSALÍA


 

xoves, 9 de xuño de 2022

CONTACONTOS E ILUSTRADOR BENXAMÍN


O día 20 de abril Benxamín, contacontos e ilustrador, visitou a biblioteca do noso centro para ter un encontro cos nenos e nenas de 1º e 2º. Fixo algúns debuxos mentres ía relatando un conto.
Pincha no debuxo para ver as fotos

GOLFIÑOS NA PROA

O entroido do UNIVERSO

PINCHA NA FOTO PARA VER TODO O ÁLBUM

CANTA-CONTOS CON PACO NOGUEIRAS.


PINCHA NA CARTA DE PACO PARA VER AS FOTOS

Os nenos e nenas de 1ºe 2º  asistiron á actuación de Paco Nogueiras nas pirámides do centro. O motivo de escoller unha área exterior foi tanto polas medidas covid como para que puidesen participar un maior número de alumnos.

MALETA CREATIVA

PINCHA NO CARTEL PARA VER AS FOTOS DA EXPOSICIÓN

MALETA DO CAMIÑO

PINCHA NO CARTEL PARA VER AS IMAXES

A QUE ALTURA ESTÁ O CEO?

Pincha no cartel para ver as fotos da charla

Shamsia Hassani PEACE DAY.




PINCHA NA FOTO PARA VER O PROCESO...



xoves, 12 de maio de 2022

A QUE CHEIRAN AS CORES. CASTO RIVADULLA

 

    PINCHA NO LIBRO PARA VER AS FOTOS!!!
Juan Casto Rivadulla Fernández, autor do libro A QUE CHEIRAN AS CORES presentou o seu libro ao alumnado do noso centro.

A presentación foi dirixida a 4º, 5º e 6º e tivo lugar o día 22 de abril no cine Elma.