📚 TUNTÚN ✨

Desde a biblioteca do centro presentamos un novo recurso para traballar durante a hora de biblioteca arredor do conto Tuntún. 🐘📖

A actividade inclúe:

• A presentación e lectura do libro

• Un xogo de tarxetas didácticas 🎴
  
  

• Actividades para fomentar a comprensión lectora, a atención e a participación do alumnado 💫

A través deste recurso, os nenos e nenas poderán descubrir os personaxes, lembrar detalles do conto e compartir as súas interpretacións dunha forma lúdica e divertida. 🎲✨

Unha proposta creada para converter a lectura nun momento de xogo, curiosidade e aprendizaxe compartida na biblioteca escolar. 💜

Tuntún é un conto infantil ilustrado cheo de acción que promove a inclusión cun enorme elefante rosa como personaxe principal.

A historia, ademais de ser divertida e colorida, desenvólvese en África e, ao final, os nenos e nenas descobren que o libro que acaban de ler está cheo de animais que se atopan en perigo de extinción, en estado vulnerable, crítico ou que son especies ameazadas da selva africana.

Tamén son convidados a visitar esta páxina web:

Para aprender máis sobre eles e desfrutar dos recursos que hai nela, coa intención de que os nosos lectores e lectoras poidan ir máis alá do conto.

📱 USO RESPONSABLE DAS REDES SOCIAIS EN 6º DE PRIMARIA 💬

O alumnado de 6º de primaria participou na biblioteca do centro nunha interesante charla sobre o uso responsable das redes sociais, unha actividade enmarcada dentro do Plan Director. 👏✨

Durante a sesión, os nenos e nenas reflexionaron sobre:

• A importancia de facer un uso seguro e responsable de internet 🌐
• O respecto e a convivencia nas redes sociais 🤝
• A privacidade e a protección dos datos persoais 🔒
• Os riscos e perigos que poden atoparse no mundo dixital 📱

Unha actividade moi necesaria para axudar ao alumnado a desenvolver unha actitude crítica e responsable no uso das novas tecnoloxías. 💫

📢 Ademais, a vindeira semana tamén se ofrecerá unha charla coa mesma temática destinada ás familias, co obxectivo de seguir traballando conxuntamente na educación dixital dos máis pequenos.

🎶 PRESENTACIÓN OFICIAL DO HIMNO "BANDASECA" 💫

Hoxe vivimos un momento moi especial no cole coa presentación oficial do himno “Bandaseca”. 🎤🎵

Despois do recreo, o autor do himno, Coke, xunto con Juan Ciego, acudiron ao centro para realizar unha presentación en directo diante de todo o alumnado. 👏✨

Foi unha actuación estupenda na que os nenos e nenas do colexio cantaron e corearon o himno con moita ilusión e entusiasmo. 💜🎶

Desde o centro queremos agradecerlles especialmente:

• O esforzo e a dedicación postos na creación do himno
• O seu traballo realizado de maneira desinteresada 🤝
• E a súa presenza no cole para compartir este momento tan especial con todos nós 🌟

Sen dúbida, unha xornada inesquecible chea de música, emoción e sentimento de comunidade. 🎼

🧺 OBRADOIRO DE CESTERÍA EN 1º DE PRIMARIA ✨

Hoxe tivemos unha visita moi especial no cole! 💫

Usuarios da asociación Ámbar achegáronse ao centro para realizar un divertido obradoiro de cestería co alumnado de 1º de primaria. 🧺🌿

Durante a actividade, os nenos e nenas aprenderon a elaborar unhas cestas moi chulas, descubrindo paso a paso esta técnica artesanal tradicional. 👏

Ademais de traballar a creatividade e a motricidade, foi unha experiencia moi enriquecedora para compartir aprendizaxes, convivencia e colaboración. 💜

Queremos agradecer á asociación Ámbar a súa visita e o cariño co que guiaron ao alumnado durante todo o obradoiro. 🌟

🎭 VISITA DE TRÉCOLA TEATRO NA BIBLIOTECA 📚✨

Este mércores, 20 de maio, recibiremos na nosa biblioteca a visita de Trécola Teatro, nunha actividade organizada grazas á colaboración da Editorial Anaya. 👏💫

O alumnado de 1º e 2º de primaria poderá disfrutar dunha sesión moi especial arredor do conto 📖 A pequena osa quere xogar, da Editorial Xerais. 🐻🎲

A través do teatro, os nenos e nenas achegaranse á lectura dunha forma divertida, participativa e chea de imaxinación, convertendo os contos en experiencias vivas e inesquecibles. 🌟

Unha mañá perfecta para seguir fomentando o gusto polos libros, a creatividade e a maxia das historias. 📚💜

🌿 CELEBRACIÓN DAS LETRAS GALEGAS E FESTA DOS MAIOS 🎶💐

No noso centro vivimos unha xornada moi especial coa celebración das Letras Galegas, unha festa chea de tradición, música e convivencia. 💚

O alumnado participou na construción dun fermoso maio, enchendo o cole de flores, cor e ilusión. 🌼✨

Neste día tan significativo queremos destacar tamén dúas visitas moi especiais:

• As persoas maiores do Centro de Día da localidade 👵🧓
• Un numeroso grupo de alumnado do Instituto 🏫

Xuntos compartimos unha mañá inesquecible na que o noso alumnado e os convidados cantaron e bailaron arredor do maio, mantendo viva unha das tradicións máis bonitas da nosa cultura galega. 🎵🌿

Foi unha celebración chea de alegría, emoción e momentos compartidos entre distintas xeracións, demostrando unha vez máis a importancia de convivir, aprender e celebrar en comunidade. 💫

FACEBOOK DO COLE

🌺📚 BEGOÑA CAAMAÑO, PROTAGONISTA DAS LETRAS GALEGAS 2026 🌺📚

Este ano celebramos o Día das Letras Galegas 2026 poñendo en valor a figura de Begoña Caamaño, unha autora fundamental da literatura galega contemporánea.

Xornalista e escritora, destacou polo seu compromiso coa lingua galega e pola súa maneira de dar voz a historias e personaxes femininos cunha mirada propia, forte e reivindicativa. ✍️💜

As súas obras invítannos a reflexionar, a cuestionar e a descubrir novas formas de entender a realidade, sempre cun estilo coidado e cheo de sensibilidade.

🐮✨ Desde a biblioteca animámosvos a achegarvos á súa obra, coñecer a súa traxectoria e celebrar a riqueza da nosa literatura.

Porque ler en galego… é tamén coñecer quen somos. 📖💫

🌺🎬 LETRAS GALEGAS 2026: BEGOÑA CAAMAÑO- NIN UN PASO ATRÁS 🌺🎬

No marco da celebración das Letras Galegas 2026, compartimos con vós unha proposta audiovisual moi especial: “Nin un paso atrás”.

Neste vídeo, unha versión infantil de Begoña Caamaño atópase con Circe, quen lle abre a porta a unha viaxe inesperada: un encontro consigo mesma no futuro. ✨

Trátase dunha peza de ficción creada con intelixencia artificial, que rende homenaxe á memoria e ao legado dunha voz imprescindible da literatura galega.

🎥 Unha produción audiovisual do Seminario Galán, que nos invita a reflexionar, imaxinar e achegarnos á figura da autora dun xeito diferente e moi creativo.

🐮✨ Animámosvos a visualizalo e a seguir descubrindo a forza e o compromiso da obra de Begoña Caamaño.

Porque a literatura… tamén se vive e se reinventa. 📚💫

💻🎮 XOGOS EN LIÑA DAS LETRAS GALEGAS 2026 💻🎮

Desde a biblioteca compartimos convosco unha proposta moi divertida para seguir aprendendo: os xogos en liña do Seminario Galán sobre as Letras Galegas 2026.

Trátase de actividades interactivas en formato Genially que permiten ao alumnado descubrir a figura de Begoña Caamaño xogando, a través de retos, probas e xogos dinámicos.

📚 Estes recursos forman parte dun conxunto de materiais didácticos creados por profesorado, pensados para achegar a lingua e a literatura galega dun xeito atractivo e participativo .

🐮✨ Unha maneira diferente de aprender, na que a curiosidade, o xogo e a investigación van da man.

Animádevos a xogar, descubrir e aprender! 🎉📖

👉 Podedes acceder ás actividades aquí:

📚 RECOMENDACIÓN DE LECTURAS 💻💜

Desde a biblioteca do centro queremos recomendarvos a obra da escritora Begoña Caamaño, unha autora fundamental da literatura galega contemporánea, cuxos libros están dispoñibles na plataforma dixital de bibliotecas escolares E-LBE.2. 📱✨

A súa obra destaca por ofrecer novas lecturas dos mitos clásicos e por poñer o foco en personaxes femininos fortes, valentes e cheos de matices. 💫

Na plataforma E-LBE.2 podemos atopar os seguintes títulos:

• 📖 O transgredir das ondas
• 📖 Morgana en Esmelle
• 📖 Circe ou o pracer do azul
• 📖 A nena que perdeu un zapato na lama
• 📖 Begoña ou o pracer da amizade: Unha biografía de Begoña Caamaño
• 📖 Os fíos de Begoña: Pequena biografía de Begoña Caamaño

Ademais, na biblioteca do centro dispoñemos tamén de obras que nos axudan a coñecer mellor a súa vida e a súa traxectoria:

• 📘 Begoña ou o pracer da amizade: Unha biografía de Begoña Caamaño
• 📘 Os fíos de Begoña: Pequena biografía de Begoña Caamaño

Estas lecturas son unha oportunidade perfecta para achegarse á súa figura, descubrir a súa obra e gozar da literatura desde diferentes perspectivas. 🌿📚

✨ Animamos a toda a comunidade educativa a explorar os seus libros a través de E-LBE.2 e na nosa biblioteca escolar.

🌼📚 NOVIDADES DE MAIO NA BIBLIOTECA 🌼📚

Maio chega cargado de novas lecturas e propostas na nosa biblioteca! 🌸✨

📖 Libros de ficción para soñar
🎨 Álbums ilustrados cheos de cor
💬 Cómic e banda deseñada
🌍 Libros informativos para descubrir
🎲 E algún xogo de mesa para seguir aprendendo xogando

🐮✨ Pasa pola biblioteca e atopa a túa próxima historia!