Hoxe na biblioteca visitounos David Rodríguez, autor e ilustrador do libro "Superavoa". Estivo co alumnado de 1º e 2º de Primaria. E presentounos a unha avoa moi especial.
A avoa Rita garda un segredo. É unha superheroína! Se non fose por ela e os seus superpoderes, o mundo viríase abaixo. Unha feliz homenaxe ás avoas.
Un saúdo, A Vaca Pepa
Este ano o Día das Letras Galegas está adicado a Luísa Villalta Gómez.
Na biblioteca poderedes atopar distintos libros que nos axudarán a coñecer mellor a autora e a súa obra.
Como cada ano, o profesorado integrado no Seminario Galán comparte con todo o colectivo docente os seus recursos didácticos das Letras Galegas 2024.
Ademais da cronobiografía ou do álbum de fotos de Luísa Villalta, tamén nos ofrecen materiais para imprimir (carteis, díptico, marcapáxinas, escolma de textos, cuestionarios de preguntas...) e divertidas actividades interactivas (xogos de birlos, de memoria, de robótica etc.).
Actividades interactivas en formato genially sobre a BIOGRAFÍA E OBRA DE LUISA VILLALTA.
O xogo dos Birlos.
O xogo da memoria
Luisa Villalta en Dez preguntas.
As chaves do tempo. Actividade sobre a obra "As chaves do tempo"
O rodicio de Luísa Villalta. Pasapalabra.
O xogo dos dardos.
As portas de Luísa Villalta.
A biografía de Luísa
Que sabes de Luísa Villalta?
Coñeces a Luísa Villalta?
Parabéns e agradecementos a todas as profesoras e os profesores que forman parte do Seminario Galán por contribuír á divulgación da vida e obra da escritora homenaxeada o vindeiro 17 de maio entre o alumnado de infantil e primaria.
Un saúdo, A Vaca Pepa
Dende o equipo de Dinamización da Lingua Galega EDLG, este curso propúxose incentivar o uso do noso idioma facendo vídeos en galego nos que a temática a traballar fose “as foliadas” e todo o que implica isto: a música, o baile, etc.
Os nenos e nenas de 1º B de Proxecto Competencial prepararon estes vídeos que vos deixamos a continuación e que agardamos vos sexan útiles para aprender un pouquichiño máis sobre a nosa Cultura Galega.
Un saúdo, A Vaca Pepa.
"Digocho eu" 😏
Descubre o galego mentres xogas: esta é unha aplicación para mellorar o teu léxico.
Durante o mes de marzo temos na biblioteca unha pequena exposición das derradeiras novidades que podemos levar a casa.
Se clicas na imaxe poderás velas.
Un saúdo, A Vaca Pepa
