MENÚ DE CONTOS. CHARO PITA. 20 DE DECEMBRO

Charo Pita (María del Rosario Pita Villares) naceu á idade de seis anos cando rematou de ler o seu primeiro libro. Comezou a narrar historias no ano 1994. Conta tanto para a rapazada como para xente adulta. Tamén imparte obradoiros de narración e lectura expresiva e leva publicados máis dunha ducia de libros e gañado algún que outro premio literario, o Espiral Maior de poesía no ano 2001, o premio Manuel Murguía de narracións breves no pasado 2018 ... 

Unha das súas facetas máis persoais é a de mesturar contos e música. 

O día 20 de decembro temos a sorte de contar coa súa presenza na nosa biblioteca. Estamos seguros que gozaremos como sempre das súas historias.

Un saúdo, A Vaca Pepa

XOGOS DE NADAL.

Desde a biblioteca ofrecémosvos distintos xogos onde poderedes gozar deste tempo de Nadal. 

Esperamos que vos divirtades moito!

Bo Nadal a todos e todas.

A Vaca Pepa

RECOMENDACIÓNS LECTORAS DE NADAL

Este curso poñemos en valor un xénero que cada vez adquire máis protagonismo na nosa Biblioteca. 

Para seguir concienciando:

• Que ler cómic tamén é ler.
• Que favorece a primeira alfabetización e autonomía lectora grazas ao apoio visual. 
• Que nos ofrece diferentes capas de lectura.
• Que favorece a alfabetización visual e artística 
• Que favorece o desenvolvemeto da creatividade e da imaxinación.
• Etc...

Presentámosvos as recomendacións lectoras para esta época de Nadal. 

Están divididas en catro apartados:

- primeiros lectores

- lectores autónomos

- lectores expertos

- para saber máis (relacionados co proxecto das bibliotecas escolares deste ano: Banda Deseñada)

Convidámosvos a que escollades libremente en función do voso nivel lector e dos vosos gustos.

Bo Nadal a todos!

A Vaca Pepa

XANEIRAS DE NADAL. 21 DE DECEMBRO

O día 21 de decembro o alumnado do noso colexio percorrerá as rúas da localidade para cantar as panxoliñas preparadas durante estas semanas. 

Visitarán diferentes zonas como a Alameda, o Concello, a Residencia de maiores, o Colexio Fernández Varela, o Centro de Día... para finalizar todos xuntos no Cantón da leña.

No Cantón, sobre as 12.45 h., cada grupo cantará unha panxoliña e despois cantaremos todos xuntos.

Terminaremos coas doce badaladas para celebrar o inicio das vacacións.

Estades todos convidados!

Felices festas a todos!

Bo Nadal!

 A Vaca Pepa
 

3 DE DECEMBRO. DÍA MUNDIAL DAS PERSOAS CON DISCAPACIDADE.

O 3 de decembro é o Día Internacional das Persoas con Discapacidade.

O obxectivo desta celebración é promover os dereitos e o benestar das persoas con discapacidades en todos os ámbitos da sociedade e o desenvolvemento, así como concienciar sobre a súa situación en todos os aspectos da vida política, social, económica e cultural.

O alumnado de terceiro puido gozar dunha actividade de concienciación sobre a discapacidade, acompañados dos nosos maiores.  (Centro de día dá Pobra).

Pasaron un momento lúdico e emotivo no que tanto pequenos como maiores gozaron xuntos.

A Vaca Pepa.

REVISTA O PAPAGAIO

Accede ao quiosco dixital e visualiza os números publicados dende calquera dispositivo electrónico.

Un saúdo, A Vaca Pepa

PROGRAMA E-LBE.2

A plataforma de préstamo dixital E-LBE.2 procura ampliar as experiencias lectoras da comunidade educativa a través da lectura dixital.  

Durante estes días, o alumnado de 1º e 2º de primaria recibirá o usuario e o contrasinal desta plataforma para que os vosos fillos teñan outro recurso máis para a mellora da competencia lectora e dos hábitos de lectura. O resto de alumnado xa dispón deste recurso.

Aquí tedes un genially que vos guiará nos vosos primeiros pasos para empezar a utilizar este fantástico recurso. 

Ademais dos libros que os vosos fillos xa utilizan na nosa biblioteca agora poderán dispoñer dunha gran variedade de títulos.

Un saúdo, A Vaca Pepa

NOVIDADES DECEMBRO

Xa están aquí as novidades de decembro, os novos libros que podemos levar a casa. 

Xa podes pasar polas zonas de empréstito e disfrutar das novas lecturas.

Un saúdo, A Vaca Pepa

CANTEMOS SEN MEDO. 25N

Alumnado de 5º nivel do CEPP Salustiano Rey Eiras da Pobra do Caramiñal cantou esta canción o DÍa Internacional para a eliminación da vilolencia contra ás mulleres. Unha versión de "Canción sin miedo" de Vivir Quintana.

Todo o colexio traballou a violencia de xénero realizando lemas, traballando conceptos, traballando contos, vendo vídeos, escoitando cancións e participando nunha xuntanza con outros colexios do concello. 

Un saúdo, A Vaca Pepa.

EXPOSICIÓN BANDA DESEÑADA. 21/11- 1/12

Este ano queremos poñer o foco en todas as posibilidades que á banda deseñada ofrece tanto no goce lector como na aprendizaxe curricular.

Durante estas semanas teremos na nosa biblioteca unha exposición de Banda Deseñada grazas á Maleta que nos proporciona bibliotecas escolares.

A presenza da Maleta na biblioteca do centro serviranos para: 

• Reforzar actividades sobre cómic ou banda deseñada.
• Estimular a lectura de cómics de calidade entre os membros da comunidade educativa. 
• Dar pé a unha exposición de cómics e novelas gráficas, de distintos estilos.
• Converter a banda deseñada nun xénero protagonista durante unha tempada.
• Solicitar á biblioteca aqueles fondos que lles interesen despois de gozar da exposición.

Aquí tedes a información dos libros que forman parte da esposición: (clica na maleta)

Aquí podédes ver a exposición na nosa biblioteca:

Un saúdo, A Vaca Pepa

EXPOSICIÓN POLA IGUALDADE.

Durante esta semana atoparedes na biblioteca unha pequena exposición pola igualdade onde poderedes atopar algúns libros que tratan diversos temas:

- O respecto aos demáis.

- Libros sobre a igualdade de xénero.

- A figura da muller en diferentes ámbitos.

Animámosvos a que visitedes a biblioteca e aproveitedes estes recursos para aprender a respectar cos libros.

Na plataforma ELBE  atoparedes algúns libros para traballar o tema da violencia de xénero, o respecto entre iguas, contos para entender o mundo ...

Un saúdo, Vaca Pepa.

25 N. DÍA INTERNACIONAL DA ELIMINACIÓN DA VIOLENCIA CONTRA AS MULLERES.

Desde a Biblioteca queremos compartir convosco unha serie de contos para traballar nesta data, 25 N. Esperamos que vos sexan de utilidade aínda que o traballedes outro día diferente ao 25 N xa que a  coeducación e o bo trato son tarefas para todos os días do ano.

Hai sen dúbida moitos contos máis para abordar este tema, nós poñémosvos unha pequena selección. Algúns están na biblioteca e os que non están chegarán pronto.

Un saúdo, A Vaca  Pepa

VENRES CREATIVO

Os venres no recreo teremos unhas actuacións moi especiais. Vós sodes os verdadeiros protagonistas. 

Os venres á hora do recreo podedes ensinarlles aos vosos compañeiros/as os vosos talentos, que sabemos que tedes...

Podedes mostrarnos distintas habilidades: experimentos, trucos de maxia, contacontos, talleres de debuxo, música, lettering,... 

Estamos a esperarvos...

Se queredes participar, só tedes que achegarvos pola biblioteca á hora do recreo e falar cos encargados para que xestionen a vosa solicitude.

Ánimo e empeza a función.

Un saúdo, A Vaca Pepa

FELIZ DÍA MUNDIAL DA CIENCIA!

Desde os misterios do espazo ata as marabillas da bioloxía, hai un mundo de descubrimentos agardándoche. 

Lista/o para alimentar a túa curiosidade? Fai clic e mergúllate no carrusel da ciencia en E-LBE.2

Un saúdo, A Vaca Pepa

OBRADOIRO DE MICOLOXÍA. AMABUL

Os rapaces do cole desfrutaron dun obradoiro de micoloxía a cargo da asociación AMABUL, para aprender que estes seres vivos cumpren unha función nos ecosistemas imprescindible, independentemente de se poden comerse ou non.

Un saúdo, A Vaca Pepa

PASAPORTE LECTOR

  Este ano traballaremos co noso alumnado o Pasaporte Lector.

A dinámica do pasaporte lector é unha ferramenta máxica que non só axudará ao alumnado para levar un rexistro dos libros que le, senón que tamén lle abrirá as portas a un mundo de aventuras, imaxinación e aprendizaxe. 

O Pasaporte Lector é como un mapa que os guiará a través dunha emocionante viaxe literaria. Neste pasaporte, terán a oportunidade de anotar os libros que len, rexistrar os seus pensamentos e emocións, e moito máis. 

Ao ter un rexistro visual dos libros que leron, poderán ver canto exploraron o mundo da lectura. Isto pode ser unha fonte de orgullo e motivación para seguir descubrindo novas historias. Ademais, axudaralles a darse conta das súas preferencias e tamén estará aberto a xéneros e autores que nunca explorarían pola súa conta. 

Compartir o pasaporte lector cos seus compañeiros e mestres pode levar a conversacións emocionantes sobre libros. Poden obter recomendacións, discutir personaxes e tramas, e crear un sentido de comunidade lectora na aula.

Estamos moi ilusionados por empezar esta aventura.

Un saúdo, A Vaca Pepa

A HORA MÁXICA. NOVEMBRO

Despois dun tempo lendo contos na hora de ler aos meus alumnos, propuxéronme ser eles os protagonistas dese momento máxico. Así que empezamos unha nova aventura.

Esperamos que os guste tanto como a nós.

Un saúdo, A Vaca Pepa

NOVIDADES NOVEMBRO

Xa están aquí as novidades de novembro, os novos libros que podemos levar a casa. 

Xa podes pasar polas zonas de empréstito e disfrutar das novas lecturas.

Un saúdo, A Vaca Pepa

MICRORRELATOS DO SAMAÍN.

Os nenos e nenas de 5º B estiveron na biblioteca compartindo cos seus compañeiros e compañeiras os microrrelatos que crearon durante estes días.

Un saúdo, A Vaca Pepa

CINEMA DE MEDO

Lembrar que ao longo desta semana poderemos gozar na biblioteca durante os recreos do visionado de diferentes contos ou curtas relacionadas co Samaín.

Un saúdo, A Vaca Pepa

INGREDIENTES MICRORRELATOS DE MEDO

 Ola a todos!

A nosa compañeira Silvia comparte con nós o seguinte recurso para traballar os microrrelatos de medo nas nosas aulas.

Grazas Silvia e un saúdo da Vaca Pepa.

SAMAÍN ESTÁ EN PERIGO

Atención a todos! 

Samaín está en perigo, e necesitamos a túa axuda para salvar a festa. 

Axudanos a resolver enigmas, pistas e misterios máxicos.

Atopa doces máxicos perdidos, recupera a cabaza da luz, descobre obxectos máxicos ocultos por trasgos travesos.

Mergúllate no mundo máxico do Samaín e goza dunha experiencia única! 

Un saúdo, A Vaca Pepa

A CABEZA DO DRAGÓN. VALLE-INCLÁN

O Museo Valle-Inclán da Pobra do Caramiñal organiza as Xornadas dedicadas a este escritor. Dentro da súa programación tivo en conta ofrecer aos centros de educación primaria de A Pobra do Caramiñal unha peza teatral,  "A Cabeza do Dragón".

O día 26 de outubro a compañía de títeres Cachirulo estivo no cine Elma representando esta divertida farsa romántica.

Un saúdo, A Vaca Pepa

ASÍ CELEBRAMOS O DÍA DAS BIBLIOTECAS DESDE ELBE.

Desde E-LBE.2, Lectura dixital para as bibliotecas escolares, ofrécennos unha proposta de lecturas relacionadas coa Biblioteca e a lectura.

A plataforma de préstamo dixital E-LBE.2 procura ampliar as experiencias lectoras da comunidade educativa a través da lectura dixital e as posibilidades que ofrece para a mellora da competencia lectora e dos hábitos de lectura entre os máis novos.

Un saúdo, A Vaca Pepa

DIA DAS BIBLIOTECAS ESCOLARES.

 

Unha biblioteca non é só un edificio cheo de libros: son corazóns palpitantes dentro das nosas comunidades, son espazos de encontro e diálogo. O día das Bibliotecas pon en valor o traballo que realizan todas as bibliotecas españolas, de todas as tipoloxías (públicas, escolares, universitarias, especializadas e nacionais/rexionais), para conectar aos seus usuarios, crear redes de apoio e colaboración, fomentar a participación e o diálogo cidadán, facer accesible a cultura e o coñecemento a toda a poboación, independientemente da súa idade, xénero, raza ou lugar de residencia.

Un saúdo, A Vaca Pepa.

 

A HORA MÁXICA

Despois dun tempo lendo contos na hora de ler aos meus alumnos, propuxéronme ser eles os protagonistas dese momento máxico. Así que empezamos unha nova aventura.

Esperamos que os guste tanto como a nós.

Un saúdo, A Vaca Pepa

TROSKITA E CONTACONTIÑOS

O Día 24 de outubro celébrase o Día da Biblioteca. Ese mesmo día é tamén o DÍA DA BIBLIOTECA ESCOLAR, por ser esta unha biblioteca esencial xa que por ela pasa toda a poboación escolar dun país.

Este ano nós celebramos este día cun contacontos moi especial. Virá visitarnos "Troskita"  acompañada do seu amigo "contacontiños". Falaranos do valor da biblioteca, lembraranos as normas para un bo uso da mesma e mostraranos a maxia dos libros.... seguro que temos algunha sorpresa máis.

Esperamos que gocedes desta actividade.

Un saúdo, A Vaca Pepa

ACTIVIDADES PARA O SAMAÍN.

Aquí tedes unha serie de actividades variadas para traballar durante o tempo de Samaín na nosa biblioteca. 

Esperamos que vos gusten.

Un saúdo, A Vaca Pepa

O MISTERIO DO SAMAÍN

Nunha pequena BIBLIOTECA dunha vila chamada BANDASECA, algo estraño está a suceder...

O LIBRO dos FEITIZOS MÁXICOS que mantiña o equilibrio na vila desapareceu.

Para recuperalo, deberemos embarcarnos nunha emocionante viaxe no que nos enfrontaremos a diferentes desafíos cheos de misterio e maxia.

Cada reto levaranos un paso máis preto de resolver o misterio e salvar á vila de Bandaseca.

Un saúdo, A Vaca Pepa

CINEMA DE MEDO

Durante este tempo de Samaín gozaremos dos contos de medo dunha maneira diferente. Cada clase poderá visionar diferentes contos narrados nas diferentes linguas do centro (galego, castelán e inglés).

Gozaremos do noso cinema de medo en compañía dos nosos compañeiros de clase e tamén nos recreos.

O cinema dos recreos será nas seguintes datas: 30 e 31 de outubro, 2 e 3 de novembro.

Esperamos que vos gusten.

Neste  Genially poderedes atopar todos os recursos.

EXPOSICIÓN CONTOS DE MEDO

 Durante este mes de outubro temos a sorte de atopar na biblioteca da vaca Pepa unha exposición de contos de medo.

Na exposición atoparemos:

- Para os primeiros lectores, libros ilustrados relacionados co Samaín,  monstros, bruxas,  momias,...e todo tipo de personaxes relacionados co tema do medo.

- Para lectores autónomos, libros ilustrados, cómics, libros de consulta, libros de narrativa,...  e de todo tipo relacionados co medo.

- Para lectores expertos, libros ilustrados, cómics, libros de consulta de conxuros, pócemas, libros de narrativa,...  e  de todo tipo relacionados co medo.

Esperamos que os alumnos/as poidan gozar das numerosas aventuras que poderán descubrir na nosa exposición.

Un saúdo, Vaca Pepa.

BAILANDO AO RITMO DE SAMAÍN

Ola a todos/as!

Aquí tedes unhas cancións de Samaín para que movades o esqueleto. 

Un saúdo, Vaca Pepa.

XOGO DE SAMAÍN

 Neste xogo terás que demostrar todos os coñecementos que tes sobre o SAMAÍN

<div style="width: 100%;"><div style="position: relative; padding-bottom: 56.25%; padding-top: 0; height: 0;"><iframe frameborder="0" width="1200px" height="675px" style="position: absolute; top: 0; left: 0; width: 100%; height: 100%;" src="https://view.genial.ly/616f177ec5e65e0dea848ecd" type="text/html" allowscriptaccess="always" allowfullscreen="true" scrolling="yes" allownetworking="all"></iframe> </div> </div>SAMAÍN SCAPE ROOM

QUERES FACER BRUXERÍA?

 Queres facer BRUXERÍA???

Realiza este escape room para conseguir todos os obxectos necesarios.

AXUDA A VACA PEPA NESTE SAMAÍN

 

 Neste Samaín tes que axudar á Vaca  Pepa nunha tenebrosa aventura.

O malvado bruxo Bandaseco encerrou aos compañeiros que estaban na biblioteca! 

Ao bruxo non lle gustan os libros, pero tampouco quere que os nenos/as do noso colexio gocen da lectura e coñezan miles de aventuras que podemos atopar nos nosos libros.

Quere converter o noso colexio nun auténtico escenario digno de Samaín... ESCURO E SOMBRÍO

Temos que axudar á Vaca Pepa e aos nosos compañeiros. 

Ánimo!

Nós xuntos podemos!

COÑECENDO A CDU

Ola a todos/as!

Temos este recurso "QUE É A CDU?" elaborado por unha das nosas compañeiras, para que os axudantes e algúns dos nosos usuarios coñezan un pouquiño máis a nosa biblioteca. Esperamos que vos guste.

(Clica na imaxe)

Un saúdo, Vaca Pepa.

A CANCIÓN DA VACA PEPA

Ola a todos/as!
A Vaca  Pepa ten moitas ganas de cantar e bailar. Aquí deixámosvos unha canción na que os nosos/as alumnos/as poderán lembrar algunhas das normas da nosa biblioteca.
Animarvos a escoitala! Ten un ritmo moi pegadizo.

Descarga el archivo

Un saúdo, Vaca Pepa

NORMAS E FUNCIONAMENTO DA BIBLIOTECA.

Ola a todos/as!

Presentámosvos este genially para que poidades coñecer ou lembrar as normas da biblioteca e o seu funcionamento.

Aquí tedes a información para este novo curso 23/24.

Un saúdo, A Vaca Pepa

NOVIDADES OUTUBRO

Xa están aquí os novos libros que podemos levar a casa. 

Xa podes pasar polas zonas de empréstito e disfrutar das novas lecturas.

 Un saúdo, A Vaca Pepa

UNHA BIBLIOTECA ESCOLAR EN VIÑETAS

"Agora a cousa cambiou bastante, pero eu recordo nos meus anos mozos, cando ía á escola, que os libros de texto para os nenos eran unha cousa espantosa, gris, cheos de letras e letras, e sempre pensei que os nenos aprenderían máis, non xa cos meus cómics, senón con calquera dos da miña época.

Eu véxoo cos meus netos: agora os libros dos críos teñen outra vez moitos debuxiños e tal, pero seguen sendo textos para ensinar. E eu creo que lendo simplemente as historietas, os nenos aprenderían moitísimo máis. Non tan só a ler ou a escribir, senón o que é a historia dun país, o que foi ocorrendo".

 

Francisco Ibañez, entrevista en Jot Down no ano 2017.

A Consellería de Cultura, Educación, Formación Profesional  e Universidades publica o lema e o cartel para as bibliotecas escolares de Galicia de cara a este curso 2023/2024. O lema elixido, UNHA BIBLIOTECA ESCOLAR EN VIÑETAS, quere poñer o foco en todas as posibilidades que a a banda deseñada ofrece tanto no goce lector como na aprendizaxe curricular.

 

A imaxe que interpreta este lema proposto para o curso 2023-2024 é obra de Jorge Campos ilustrador, arquitecto e artista do cómic. Un convite a pasear polas viñetas das nosas bibliotecas escolares e a xogar coas cubertas que van de man en man da comunidade educativa.

 

 Un curso para poñer en valor un xénero que cada vez adquire máis protagonismo na colección das bibliotecas escolares de Galicia. Para seguir concienciando que ler cómic tamén é ler, que favorece a primeira alfabetización e autonomía lectora grazas ao apoio visual. Que nos ofrece diferentes capas de lectura na que todos e todas atopamos un espazo ao tempo que favorece a alfabetización visual e artística e o desenvolvemeto da creatividade e a imaxinación.

Un saúdo, A Vaca Pepa.

SEGUNDA ANDAINA "OS CAMIÑOS DA MEMORIA"

O día 21 de setembro, Día Mundial do Alzheimer, tivemos unha actividade xunto cos nosos maiores dos Centros de Día de Rois, Porto do Son e A Pobra do Caramiñal.

Os nenos e nenas de 6º de primaria do CEPP Salustiano Rey Eiras acompañamos aos nosos maiores nunha pequena andaina. Queriamos darlles o noso apoio e o noso agarimo.

Unha maneira diferente de traballar o Día Mundial do Alzheimer.

Desde a biblioteca queremos achegar diferentes contos que nos axuden a entender esta enfermidade, sobre a perda de memoria, o que conleva e como podemos axudar.

Un saúdo, Vaca Pepa.

FORMACIÓN DOS AXUDANTES DE BIBLIOTECA.

 Nestas semanas teremos aos alumnos/as de sexto realizando unha formación para poder ser os nosos axudantes durante este curso. 

Estos alumnos/as traballarán voluntariamente na biblioteca na hora dos recreos.

QUE FAN OS AXUDANTES DA BIBLIOTECA? 

• Colocan os libros, mantendo en orde os andeis.
• Separan e arranxan os libros estragados.
• Coidan a biblioteca, manténdoa en orde.
• Axúdante a atopar o libro que buscas.
• Recomendan lecturas a outros colegas ou nenos/as pequenos/as.
• Fan préstamos ás compañeiras e compañeiros.
• Axudan a decorar e preparar a biblioteca para actividades especiais…

E ademais este ano algúns deles están dispostos a contarlles contos aos nenos/as máis pequenos.

Como vedes...son uns campións!

Un saúdo, Vaca Pepa

CONVOCATORIA AXUDANTES DE BIBLIOTECA

Xa temos aquí a convocatoria para cubrir as vacantes dos axudantes de biblioteca. Sinalar que todo o alumnado de sexto que presente a solicitude será incluído nos equipos de axudantes.

Esperamos que gocen deste posto e que vivan o mundo da biblioteca con ilusión e agarimo.

Un saúdo, Vaca Pepa.

BENVIDOS AO NOVO CURSO ESCOLAR!

Queridas familias:

Xa estamos de volta!! Botabámosvos de menos!!

Estamos moi contentos/as de darvos a benvida a este novo curso 2023-2024.

Abrimos as nosas portas para recibir aos nosos peques e comezar unha nova aventura, chea de retos, aprendizaxes e moita moita diversión!!

Durante o mes de setembro a Biblioteca estará aberta para poder gozar de numerosas lecturas nos nosos momentos de lecer.

Estades listos/as?.. Comezamos!!

Un saúdo, A Vaca Pepa.

FIN DE CURSO. CONCERTO DE "PAKOLAS"

 "Pakolas’ é o músico e narrador Paco Cerdeira, cun espectáculo co que percorre bibliotecas, centros de lectura, feiras do libro, e outros espazos como teatros, auditorios, ou centros sociais.

E nós tivemos a sorte de telo connosco o último día de clase.

Este acto daba por finalizado un proxecto levado a cabo en todas as aulas a través da área de Música.

Tanto alumnos como profesores tiveron a oportunidade de bailar e gozar coas cancións que escoitaran  durante todo o  proxecto.

Un saúdo, A Vaca Pepa

DESPEDIDA E AGRADECEMENTO AOS NOSOS/AS AXUDANTES DE BIBLIOTECA.

No día de hoxe tivemos a despedida e agradecemento aos nosos axudantes, pola súa apreciada colaboración no día a día da nosa biblioteca.

Durante este curso 27 alumnos/as de 6.º foron Axudantes da biblioteca durante os recreos e numerosas actividades do centro.

Fixemos tres grupos asumindo as súas tarefas segundo o día que lles correspondía vir á biblioteca.. 

Dedicáronse a:

• colocar libros nos andeis,
• axudar aos pequenos na elección de libros,
• reparar os fondos que se atopaban na “enfermería”,
• levar os préstamos ás aulas,
• ler textos aos pequenos nos recreos
• representar contacontos aos máss pequenos…

Fixérono fenomenal e con moita ilusión, por eso entregámoslles un pequeno agasallo a final de curso.

Grazas a todos pola vosa colaboración 🙂

Un saúdo, A Vaca Pepa

DESCUBRIR O GALEGO MENTRES XOGAS.

Descubrir o galego mentres xogas: esta é a nova aplicación para mellorar o teu léxico.

Nova ferramenta da RAG e da Fundación Barrié que pretende axudar a fixar palabras, dándolles aos falantes máis seguridade e naturalidade.

Aprender e afianzar o léxico galego divertíndose e competindo. Este é o propósito do Ximnasio Léxico, a aplicación de xogos baseada no Dicionario da Real Academia Galega (RAG) que xa pode descargarse en todos os dispositivos móbiles de Android e iOS.

Android 

iOS

O obxectivo da aplicación é reforzar o vocabulario normativo no público de todas as idades.

Xoguemos co galego este verán!

Un saúdo, A Vaca Pepa

TEATRO NO CINE ELMA.

O grupo "Gargallada teatro", formado por compañeiros/as do noso cole, presentáronnos a obra "Charlie e a fábrica de chocolate".

Xa sabiamos que tiñamos uns actores incribles entre nós, pero sempre nos sorprenden. 

Darlle as grazas a todo o grupo de teatro por permitirnos gozar das súas obras unha vez máis.

E desexámoslles moita sorte na súa traxectoria.

Un saúdo, A Vaca Pepa

RECOMENDACIÓNS LECTORAS. VERÁN 2023

Este curso xa case rematou e aquí vos deixamos unhas recomendacións para que poidades gozar do verán lendo un bo libro...

FELICES VACACIÓNS!!

Un saúdo, A Vaca Pepa.

CHARLA DE SAÚDE BUCODENTAL.

Como antesala ao Día Mundial Sen Tabaco que se conmemora no 31 de maio, o alumnado de 5º e 6º de  primaria asistiu a charlas impartidas polo Colexio Profesional de Hixienistas Dentais de Galicia.

Charla promovida polo Concello.

Promóvese esta acción un ano máis para concienciar ás novas xeracións sobre a problemática que ocasiona o tabaco na saúde bucodental, ademais da problemática dunha alimentación que abuse do consumo de azucre.

Un saúdo, a Vaca Pepa.

RETO 8. EMBAIXADORES/AS DO VIDRO

 CHEGAMOS AO FINAL DOS RETOS!!!

Neste último, EMBAIXADORES/AS DO VIDRO, necesitamos que:

• Cada neno/a traia da súa casa un botellín de vidro da cor que teñan (tamaño botellín de auga pequena…) para decorar o espazo que estamos creando de plantas aromáticas.
• En cada aula garden e contabilicen os envases de vidro que vaian traendo para reciclar no iglú de Disney que agardamos recibir antes de rematar o curso.
• Elixir dous embaixadores/as por aula (un neno e unha nena) que repartirán pegatinas: aos seus veciñ@s, familiares, en tendas… para continuar coa concienciación do reciclado do vidro.
• Ademáis, todos aqueles que queiran, poden decorar na casa botes ou botellas de vidro para facer unha exposición no mes de xuño.

Con esta actividade o que pretendemos é que o alumnado como “EMBAIXADORES/AS DO VIDRO” sexan conscientes de que ademáis de poder reciclar o vidro en contedores tamén poden darlle unha segunda vida.

Un saúdo, A Vaca Pepa.

MERGÚLLATE ENTRE CONTOS PARA...

 Melloramos un espazo importante da nosa biblioteca: a entrada da biblioteca que invítanos a entrar nela dunha maneira máxica. 

A entrada convídanos a penetrar nun mundo máxico. Nela podemos ver a frase secreta da nosa xincana da semana do libro: “Mergúllate entre contos para nadar entre soños”

Temos que darlle as grazas ao noso compañeiro Paco por facer do noso soño unha realidade. Moitas horas de traballo que deixan unha biblioteca aberta a imaxinación de cada un de nós.

Un saúdo, A Vaca Pepa

CHARLA ANIMAIS EXTRAORDINARIOS. XULIO GUTIÉRREZ

 ANIMAIS EXTRAORDINARIOS

Tivemos a sorte de ter a visita de Xulio para contarnos cousas extraordinarias relacionadas cos animais e o seu mundo, relacionadas cos seus libros que temos a sorte de poder atopalos na nosa biblioteca.

Texto: Xulio Gutiérrez.

Ilustracións: Nicolás Fernández.

Coordinación: Chema Heras

Colección de seis libros de gran formato. Traducidos a varias linguas (castelán, portugués, italiano, alemán e chinés).

Un saúdo, A Vaca Pepa.

ANIMACIÓN Á LECTURA. BENXAMIN ILUSTRADOR.

 Os  alumnos do primeiro ciclo de Ed. Primaria participaron, na mañana do venres 19, dun encontro co ilustrador Benxamín. Esta actividade é promovida pola Editorial Anaya. Con esta visita os rapaces  puideron  coñecer  o proceso de creación dos debuxos dun conto. 

Gracias Benxamín polos teus debuxos e historias!!!

Un saúdo, A Vaca Pepa

EDUCANDO CON MALIBÚ

 Malibú visitou o noso colexio para ensinarlle ós nenos a ser máis responsables, máis solidarios e a ter unha maior sensibilidade e respeto cara os animais.

Coñeceron as responsabilidades que implica un animal e os seus coidados para unha tenencia responsable (identificación, esterilización, acudir regularmente ao veterinario...)

Aprenderon comportamentos cívicos (manter as rúas limpas...)

Coñeceron a problemática do abandono, a realidade das canceiras, a adopción dos animais, a distintas formas de colaborar (ser casa de acollida, voluntario, adoptar...)

Un saúdo, A Vaca Pepa.

NA PROCURA DAS LETRAS PERDIDAS.

 O 16 de maio o alumnado gozou dunha xincana relacionada co Día das Letras Galegas: "Na procura das Letras Perdidas", a cargo de Barafunda Animación e destinada ós colexios da primaria de todo o concello da Pobra do Caramiñal, a partir das 10.00 horas, polas prazas e rúas da localidade.

Actividade proposta polo Concello.

"As letras galegas están en perigo. Unha galerna espallounas por todo o parque e se pasan moito tempo soas, desaparecen! Axúdanos a atopalas?"

Un saúdo, A Vaca Pepa

CHARLA CAMIÑOS ESCOLARES SEGUROS.

 Os nenos e nenas de 5º e 6º de primaria tiveron unha charla impartida por compoñentes da DGT para coñecer de primeira man o Proxecto "Camiños Escolares Seguros".

O obxectivo é “recupera-la tradición de camiñar xuntas e xuntos á escola dunha maneira segura.”

Que os nenos e nenas póidanse desprazar de maneira autónoma, apostando por unha mobilidade saudable, sostible e segura. 

Un saúdo, A Vaca Pepa

RECURSOS PARA O DIA DAS LETRAS GALEGAS. AFUNDACIÓN. OBRA SOCIAL ABANCA.

Para homenaxear o Día das Letras Galegas 2023, desde Afundación convídannos a coñecer e participar nas seguintes actividades dixitais. 

Un conto para que visualicen os máis pequen@s e un xogo para participar e comprobar os coñecementos sobre Francisco Fernández del Riego.

Un saúdo, A Vaca Pepa

TEÑO UN VOLCÁN DENTRO. MARÍA CANOSA.

Hoxe foi un día moi especial na Pobra do Caramiñal.

A escritora María Canosa recibiu o premio de literatura infantil Carlos Mosteiro. 

Á entrega do premio foi invitado o alumnado de 5° e 6° do CEPP Salustiano Rey Eiras, quen logo de escoitar ás emotivas palabras de Patricia Lijó, concelleira de cultura,  Encarna Pego, representando á Asociación Cultural Barbantia e membro do xurado, Marcos Calveiro, da editorial Galaxia e a propia autora, María Canosa;  recibiron o libro como agasallo do concello da Pobra. 

Grazas por este día!!!!

Un saúdo, A Vaca Pepa