NOVIDADES OUTUBRO

Durante o mes de OUTUBRO temos na biblioteca unha pequena exposición das derradeiras novidades que podemos levar a casa.

Se clicas na imaxe poderás velas.

Un saúdo, A Vaca Pepa

IV ANDAINA "Os Camiños da Memoria"

O día 20 de setembro, Día Mundial do Alzheimer, tivemos unha actividade xunto cos nosos maiores da Pobra do Caramiñal.

Os nenos e nenas de 2º de primaria do CEPP Salustiano Rey Eiras acompañamos aos nosos maiores nunha pequena andaina. Queriamos darlles o noso apoio e o noso agarimo.

Unha maneira diferente de traballar o Día Mundial do Alzheimer.

Esta cuarta edición sumou máis dun cento de camiñantes, entre persoas usuarias, familiares das mesmas e profesionais do centro de día da Pobra, ademais de contar coa participación da Asociación Ambar, Asociación Misela, centro de día Agadea e alumnado e profesorado do CEP P. Salustiano Rey Eiras.

Un saúdo, A Vaca Pepa

IV ANDAINA POLO DÍA DO ALZHEIMER. OS CAMIÑOS DA MEMORIA.

O día 20 de setembro teremos unha actividade xunto cos nosos maiores para celebrar o Día Mundial do Alzheimer.
O alumnado de primaria do CEPP Salustiano Rey Eiras poderá acompañar aos nosos maiores nunha pequena andaina. 

Desde a biblioteca queremos achegar diferentes contos que nos axuden a entender esta enfermidade, sobre a perda de memoria, o que conleva e como podemos axudar.

Un saúdo, Vaca Pepa.

CONVOCATORIA AXUDANTES DE BIBLIOTECA

Xa temos aquí a convocatoria para cubrir as vacantes dos axudantes de biblioteca. Sinalar que todo o alumnado de sexto que presente a solicitude será incluído nos equipos de axudantes. Entrega de solicitudes ata o 20 de setembro.

Esperamos que gocen deste posto e que vivan o mundo da biblioteca con ilusión e agarimo.

Un saúdo, Vaca Pepa.

BIBLIOTECA ESCOLAR, A ESCENA!

O cartaz que acompañará as bibliotecas escolares de Galicia neste curso  "Representa unha obra teatral do poema de Xohana Torres "Eu tamén navegar", no que Penélope (da Odisea) deixa o tapiz que traballa e desfai e sae a vivir aventuras. Despois ao regreso remata o tapiz engadíndolle novos elementos da súa viaxe (o tapiz que hai detrás da nena que está a leer a obra teatral)" segundo indica a súa autora, a ilustradora e muralista Xoana Almar. 

 

Unha imaxe enraizada no cartelismo galego que abre as portas a traballar o teatro en todas as súas variantes. As nosas bibliotecas escolares saen a escena para ler, interpretar, radiar, escribir e gozar co TEATRO.

Un saúdo, A Vaca Pepa

BENVIDOS/AS AO NOVO CURSO ESCOLAR!

Queridas familias:

Xa estamos de volta!!

Estamos moi contentos/as de darvos a benvida a este novo curso 2024-2025.

Abrimos as nosas portas para recibir aos nosos peques e comezar unha nova aventura, chea de retos, aprendizaxes e moita moita diversión!!

Durante o mes de setembro a Biblioteca estará aberta para poder gozar de numerosas lecturas nos nosos momentos de lecer.

Estades listos/as?.. Comezamos!!

Un saúdo, A Vaca Pepa.

PREMIOS DA BIBLIOTECA.

Ademais de felicitar o bo traballo realizado polos nosos axudantes, tamén queriamos ter un pequeno detalle con aquel alumnado que á nosa maneira de ver realizaran un bo traballo durante este curso relacionado coa lectura, as actividades propostas pola biblioteca, o cómic ...

Grazas a todos novamente pola vosa colaboración e por axudarnos a que a nosa biblioteca sexa cada día un lugar máis atractivo e emocionante.

Un saúdo, A Vaca Pepa

DESPEDIDA E AGRADECEMENTO AOS NOSOS AXUDANTES DE BIBLIOTECA.

No día de hoxe tivemos a despedida e agradecemento aos nosos axudantes, pola súa apreciada colaboración no día a día da nosa biblioteca.

Durante este curso 16 alumnos/as de 6.º foron Axudantes da Biblioteca durante os recreos e en numerosas actividades do centro.

Fixemos varios grupos asumindo as súas tarefas segundo o día que lles correspondía vir á biblioteca.

Fixérono fenomenal e con moita ilusión, por eso entregámoslles un pequeno agasallo a final de curso.

Grazas a todos pola vosa colaboración 🙂

Un saúdo, A Vaca Pepa

RECOMENDACIÓNS LECTORAS. VERÁN 2024.

Este curso xa case rematou e aquí vos deixamos unhas recomendacións para que poidades gozar do verán lendo un bo libro...

FELICES VACACIÓNS!!

TEATRO NO CINE ELMA.

O grupo "Gargallada teatro", formado por compañeiros/as do noso cole, presentáronnos a obra "Aladdin".

Xa sabiamos que tiñamos uns actores incribles entre nós, pero sempre nos sorprenden. 

Darlle as grazas a todo o grupo de teatro por permitirnos gozar das súas obras unha vez máis.

E desexámoslles moita sorte na súa traxectoria.

Un saúdo, A Vaca Pepa

NOVIDADES XUÑO

Durante o mes de xuño temos na biblioteca unha pequena exposición das derradeiras novidades que podemos levar a casa.

Se clicas na imaxe poderás velas.

 Un saúdo, A Vaca Pepa

ENTREGA DO PREMIO CARLOS MOSTEIRO

Á entrega do premio foi invitado o alumnado de 6° do CEPP Salustiano Rey Eiras e recibiron o libro como agasallo do concello da Pobra. 

Unha relación de amizade entre dúas nenas do Afganistán unidas polos seus soños arredor dun balón e as normas do fútbol: este é o argumento de 'Fóra de xogo', o libro de José Luis Baños, gañador do VI Premio de Literatura Infantil Carlos Mosteiro, certame convocado polo Concello da Pobra do Caramiñal, a editorial Galaxia e a A. C. Barbantia.

Un saúdo, A Vaca Pepa

XINCANA. MARABILLAS DE GALICIA.

O 28 de maio o alumnado gozou dunha xincana relacionada co Día das Letras Galegas: "Marabillas de Galicia", a cargo de Barafunda Animación e destinada ós colexios da primaria de todo o concello da Pobra do Caramiñal, a partir das 10.00 horas, polas prazas e rúas da localidade.

Actividade proposta polo Concello.

Un saúdo, A Vaca Pepa

CELEBRACIÓN "LETRAS GALEGAS"

 Este ano celebramos as letras galegas con diferentes actividades:

• Construímos o noso maio.
• Comemos doces típicos galegos (roscas).
• O recreo estivo amenizado por música tradicional galega, onde bailamos e cantamos todos xuntos.
• Tivemos un pequeno festival para cantarlle ao noso maio.

Pasamos un bo día celebrando as nosas letras...

Un saúdo, A Vaca Pepa

CONSTRUCCIÓN DO MAIO

Os nenos/as de Bandaseca xa están preparando o maio para a celebración do Día das Letras Galegas. A verdade que pasaron un día estupendo preparando a nosa celebración.

Un saúdo,A Vaca Pepa

CONTACONTOS SUPERAVOA

Hoxe na biblioteca visitounos David Rodríguez, autor e ilustrador do libro "Superavoa". Estivo co alumnado de 1º e 2º de Primaria. E presentounos a unha avoa moi especial.

A avoa Rita garda un segredo. É unha superheroína! Se non fose por ela e os seus superpoderes, o mundo viríase abaixo. Unha feliz homenaxe ás avoas.

Un saúdo, A Vaca Pepa

DÍA DAS LETRAS GALEGAS 2024. LUÍSA VILLALTA GÓMEZ

Este ano o Día das Letras Galegas está adicado a Luísa Villalta Gómez.

Na biblioteca poderedes atopar distintos libros que nos axudarán a coñecer mellor a autora e a súa obra. 

Un saúdo, A Vaca Pepa

LETRAS GALEGAS 2024.

Como cada ano, o profesorado integrado no Seminario Galán comparte con todo o colectivo docente os seus recursos didácticos das Letras Galegas 2024. 

Ademais da cronobiografía ou do álbum de fotos de Luísa Villalta, tamén nos ofrecen materiais para imprimir (carteis, díptico, marcapáxinas, escolma de textos, cuestionarios de preguntas...) e divertidas actividades interactivas (xogos de birlos, de memoria, de robótica etc.).

Actividades interactivas en formato genially sobre a BIOGRAFÍA E OBRA DE LUISA VILLALTA.

 O xogo dos Birlos.

O xogo da memoria

Luisa Villalta en Dez preguntas. 

As chaves do tempo. Actividade sobre a obra "As chaves do tempo"

O rodicio de Luísa Villalta. Pasapalabra.

O xogo dos dardos. 

As portas de Luísa Villalta.

A biografía de Luísa

Que sabes de Luísa Villalta?

Coñeces a Luísa Villalta?

Parabéns e agradecementos a todas as profesoras e os profesores que forman parte do Seminario Galán por contribuír á divulgación da vida e obra da escritora homenaxeada o vindeiro 17 de maio entre o alumnado de infantil e primaria.

Un saúdo, A Vaca Pepa

PEQUENA BIOGRAFÍA DE LUISA VILLALTA E OUTROS RECURSOS. PRIMAVERA DAS LETRAS.

Nesta páxina atoparemos:

• Unha fermosa biografía da autora en forma de conto que escribiron para vós con moito agarimo Xoán Babarro e Ana María Fernández e ilustrou Óscar Villán: Violino, Inglesa e o libro xigante. Nesta historia, os guías pola vida da nosa protagonista son o seu violín, a guitarra inglesa de Rosalía e unha rapaciña que agocha un segredo! A sorpresa que ides levar cando o descubrades!
• Actividades interactivas.
• Deseños de marcapáxinas e chapas da Primavera das Letras de Luísa Villalta.
• Fichas para colorear.

Un saúdo, A Vaca Pepa

DIGOCHO EU. 1ºB

Dende o equipo de Dinamización da Lingua Galega EDLG, este curso propúxose incentivar o uso do noso idioma facendo vídeos en galego nos que a temática a traballar fose “as foliadas” e todo o que implica isto: a música, o baile, etc.
Os nenos e nenas de 1º B de Proxecto Competencial prepararon estes vídeos que vos deixamos a continuación e que agardamos vos sexan útiles para aprender un pouquichiño máis sobre a nosa Cultura Galega.

 

 

 Un saúdo, A Vaca Pepa.

"Digocho eu" 😏

XIMNASIO LÉXICO. XOGAMOS CO GALEGO!

Descubre o galego mentres xogas: esta é unha aplicación para mellorar o teu léxico.

É unha ferramenta da RAG e da Fundación Barrié que pretende axudar a fixar palabras, dándolles aos falantes máis seguridade e naturalidade.

Aprender e afianzar o léxico galego divertíndose e competindo. Este é o propósito do Ximnasio Léxico, a aplicación de xogos baseada no Dicionario da Real Academia Galega (RAG) que xa pode descargarse en todos os dispositivos móbiles de Android e iOS.

O obxectivo da aplicación é reforzar o vocabulario normativo no público de todas as idades.

Xoguemos co galego!

Un saúdo, A Vaca Pepa

NOVIDADES DE MAIO

Durante o mes de marzo temos na biblioteca unha pequena exposición das derradeiras novidades que podemos levar a casa.

Se clicas na imaxe poderás velas.

 Un saúdo, A Vaca Pepa

CONTACONTOS POLA IGUALDADE. ALUMNADO 4º DE PRIMARIA

O alumnado de cuarto preparou dous libros preciosos para contarllos aos pequenos de 2º, a verdade que traballaron moitísimo pois ademais de memorizar os contos elaboraron todas as ilustracións dos contos para darlle aos contos a súa perspectiva.

Adriana, Jimena e Martina teñen grandes soños, pero a banda de Don Noloconseguirás encheulles os petos de pedras para que non poidan voar...

Un álbum que fala dous estereotipos de xénero empregando un dous mellores instrumentos: ou humor.

Un saúdo, A Vaca Pepa

APADRIÑAMENTO LECTOR NA HORA DE LECTURA.

Tras o éxito e a resposta do alumnado na a actividade do apadriñamento lector, as aulas de 1º e 3º decidiron seguir gozando desta experiencia organizando lecturas conxuntas co seu alumnado na hora de ler para que os seus alumnos poidan seguir gozando do acompañamento lector.

Un saúdo, A Vaca Pepa

MESTRES/AS POR UN DÍA.

Ao rematar de contar os contos no Apadriñamento Lector, os nenos de quinto convidaron aos nenos de segundo a subir ás súas aulas, onde lles mostraron os seus traballos sobre os ecosistemas e lles explicaron un montón de cousas.

O alumnado de quinto puido gozar explicando aquelas cousas que aprenderon e traballaron durante estes días transmitindo os seus coñecementos aos máis pequenos. O alumnado de segundo gozou da actividade aprendendo un pouquiño máis dos temas que xa empezan a traballar na aula.

Os alumnos de quinto foron uns grandes mestres. Parabéns!

Un saúdo, A Vaca Pepa

ACTIVIDADES MES DO LIBRO. APADRIÑAMENTO LECTOR.

Hoxe realizamos unha das actividades do mes do libro. 

Os alumnos e alumnas do cole gozaron da compañía e a boa lectura dos seus padriños e madriñas lectoras.

Creouse un ambiente máxico en todas as zonas do patio do cole onde podiamos observar caras de curiosidade, felicidade e goce.

Experiencia moi positiva que seguramente repetiremos. 

Un saúdo, A Vaca Pepa

EXPOSICIÓN DO PASAPORTE LECTOR.

O pasaporte lector é unha actividade que se leva facendo durante todo o curso por algúns dos nosos/as alumnos/as e que mostramos a comunidade educativa no mes do libro cunha pequena exposición.

Un saúdo, A Vaca Pepa

ACTIVIDADES MES DO LIBRO. ELABORACIÓN DE MINILIBROS

Elaboramos unha serie de minilibros relacionados co cómic, neles puidemos coñecer todos os elementos característicos do cómic, (Bocadillos, onomatopeas, símbolos, liñas de movemento...), continuar a historia dun cómic cunha temática determinada ou inventar o noso propio cómic cunha temática libre.

A verdade, saíron verdadeiras xoias...

Un saúdo, A Vaca Pepa

ACTIVIDADES MES DO LIBRO. O MEU CÓMIC FAVORITO

Despois de buscar e atopar os diferentes cómics que temos na biblioteca, elaboramos a ficha do meu cómic favorito onde cada un de nós ilustrou a portada do cómic que máis lle gustou.

 

 Un saúdo, A Vaca Pepa

 

ACTIVIDADES MES DO LIBRO. "HOXE LEMOS CÓMICS"

Este ano na biblioteca temos como lema UNHA BIBLIOTECA ESCOLAR EN VIÑETAS. Polo que dedicaremos o mes do libro a gozar de actividades relacionadas co cómic.

Esta semana nas nosas sesións de biblioteca coñecimos e recordamos onde están os cómics dos tres niveis lectores (etiqueta vermella, verde e azul). E así puidemos traballar as diferentes temáticas que temos neste tipo de lecturas.

Un saúdo, A Vaca Pepa

PEQUENOS AXUDANTES

Na nosa biblioteca temos ao alumnado de 6º como axudantes de biblioteca nos recreos. Son un exemplo para os nosos pequenos xa que agora nosos peques tamén queren ser axudantes. Polo que lles demos a oportunidade de levar a cabo a súa ilusión.

Parece que funciona!!!

Un saúdo, A Vaca Pepa

HORA MÁXICA

Despois dun tempo lendo contos na hora de ler aos meus alumnos, propuxéronme ser eles os protagonistas dese momento máxico. Así que empezamos unha nova aventura que tivo un gran éxito, polo que siguen sendo eles os protagonistas.

Un saúdo, A Vaca Pepa

ACTIVIDADES MES DO LIBRO. EXPOSICIÓN DO CÓMIC

Durante o mes do libro teremos unha pequena exposición do cómic composta por libros dos tres niveis lectores. Só é unha pequena selección, queremos que o alumnado saiba buscar nos andeis da nosa biblioteca para coñecer a localización deste tipo de fondos.

A exposición serviranos para: 

• Reforzar actividades sobre cómic ou banda deseñada.
• Estimular a lectura de cómics entre os membros da comunidade educativa. 
• Dar pé a unha exposición de cómics e novelas gráficas, de distintos estilos.
• Converter a banda deseñada nun xénero protagonista durante unha tempada.

Un saúdo, A Vaca Pepa

NOVIDADES DE ABRIL

Durante o mes de marzo temos na biblioteca unha pequena exposición das derradeiras novidades que podemos levar a casa.

Se clicas na imaxe poderás velas.

 UN saúdo, A Vaca Pepa

PREMIOS DO CONSURSO DE ROSALÍA

Hoxe tivemos a entrega dos premios do xogo-concurso as sete Rosalías.

O xogo consiste en atopar varias siluetas recortadas coa forma de Galicia que conteñen no seu interior o rostro da intelectual acompañado de versos seus. Estas pezas expóñense nos escaparates de diversos establecementos locais da Pobra dende o día 11 ata o 25 de febreiro. O desafío reside en buscar nos escaparates dos locais do municipio as 7 versións diferentes da imaxe que ilustra o cartel, xa que non todas son iguais. Poden participar todos aqueles nenos e nenas pobrenses con idades comprendidas entre os 6 e 12 anos que conten cun dos impresos repartidos nos colexios Salustiano Rey Eiras e Pilar Maestú Sierra.

Unha vez atopadas, será preciso anotar no folleto cal é esa diferenza e en que instalación se sitúa. De lograren supera-lo reto, deben entrega-los impresos debidamente cubertos cos datos requiridos nos centros de ensino xa mencionados.

Realizouse un sorteo de diversos agasallos entre tódolos cativos e cativas acertantes.

Noraboa aos que resultaron premiados co agasallo e grazas a todo alumnado e familias participantes .

Un saúdo, A Vaca Pepa

GRAZAS CRISTY!

O alumnado de 5º compartiu con nós un momento extraordinario que sucedeu o día da Charla con Cristy Tojo.

Decir ante todo, que tanto o alumnado como o profesorado quedamos abraiados coa súa personalidade, carisma e a facilidade de crear en nós unha mirada crítica ante situacións actuais que ás veces pasan por nós sin deixar pegada. 

Entre outras moitas cousas contounos que a ela e a outra compañeira, tamén con discapacidade, por gañar a medalla de ouro déronlle unha palmadiña no lombo. E polo mismo traballo, ao home sen descapacidade, pola medalla de ouro déronlle 9.000 euros.

Ante a pregunta de como poderiamos agradecerlle a súa visita, o alumnado dixo que merecía tamén os 9.000 euros. Polo que lle otorgaron un cheque por valor de 9.000 agradecementos.

Foi un xesto solidario, moi emotivo e precioso!

 

Un saúdo, A Vaca Pepa

CHARLA CON CRISTY LOJO

Para conmemorar o 8M, Día Internacional da Muller, a Concellería de Igualdade da Pobra agasallounos cunha actividade centrada na importancia da muller no eido deportivo, a través da historia e do momento actual.

Esta actividade foi dirixida ao alumnado de 4º, 5º e 6º de primaria

CRISTY LOJO

 

 

Medallista internacional na modalidade de parakarate, que acumula 21 anos como docente de artes marciais en diferentes modalidades e 13 anos como facilitadora de autodefensa feminista.

Cristy é un prodixio no mundo do kárate, sendo aos seus 23 aniños unha flamante terceiro dan, converténdose así na galega máis nova en conseguir semellante logro. É así mesmo a primeira galega en conseguir o título de Xuíz Nacional, e a máis nova de España.
Aos seus 32 anos, acabaría proclamándose Campioa de Europa de parakárate na súa modalidade. Pero, máis aló da súa historia de evolución persoal, a deportista converteuse en mestra para moitas outras mulleres, ás que ensina a combater as violencias de xénero.
Leva moitos anos no deporte como competidora, árbitra, profesora de kárate e autodefensa e tamén directora do seu propio club, o Avalon Kai. A escola foi creada no 2011, en Santiago.
Sobre a cantidade de títulos que ten, é sincera: «A verdade é que non o sei. Perdín a conta nos 70 títulos. E non se cantas medallas terei. Pero, son bastantes». 

 

Un saúdo, A Vaca Pepa

 

PACO NOGUEIRAS. KALANDRAKA

Neste día, os nenos de 1º e 2º tivemos a visita de PACO NOGUEIRAS. 

Trouxo a maleta repleta de contos para compartir con nós.

Contamos e cantamos historias de animais, de bechos grandes e pequenos, dos que viven na selva, na casa e ata na escola!

Pasamos momentos marabillosos cheos de historias, cancións e emocións.

Aquí tedes unha pequena mostra desta aventura.

Un saúdo, A Vaca Pepa

E-LBE.2 8 DE MARZO. CELEBREMOS A DIVERSIDADE E A IGUALDADE!

Na plataforma E-LBE.2 ofrécennos unha selección de lecturas sobre a diversidade e a igualdade en relación ao 8M.

Esperamos que vos gusten.

Un saúdo, A Vaca Pepa.

NOVIDADES DE MARZO

Durante o mes de marzo temos na biblioteca unha pequena exposición das derradeiras novidades que podemos levar a casa.

Se clicas na imaxe poderás velas.

Un saúdo, A Vaca Pepa

EXPOSICIÓN 8M.

Aquí tedes algúns dos libros que poderedes atopar durante estas semanas na exposición da nosa Biblioteca.

Esperamos que vos sexan de gran utilidade.

Lembrar que todos os libros expostos poden ser prestados en calquera momento.

Un saúdo, A Vaca Pepa.

MULLERES QUE FIXERON HISTORIA

Escritoras, científicas, actrices, políticas ou aviadoras, entre outras profesións. 

Son moitas as mulleres que cambiaron a historia no tempo que lles tocou vivir e que desempeñaron un papel fundamental no desenvolvemento dos acontecementos. 

Grandes revolucionarias que, día a día, romperon co establecido en cada un dos seus campos e, tamén, na sociedade. 

Mulleres valentes que abriron o camiño a tantas outras que, na súa loita pola igualdade, fixeron do mundo un lugar máis xusto.

Un saúdo, A Vaca Pepa.

DÍA INTERNACIONAL DA MULLER. 8 DE MARZO

O 8 de marzo celébrase o Día Internacional da Muller, un día adicado á loita pola igualdade, a participación e o empoderamento da muller en todos os ámbitos da sociedade.

Aquí tedes un Escape room (@guille_buedo): 

Oh, oh... Algo foi mal... A personaxe quedou atrapada nun espazo temporal... Deberedes viaxar a todos os lugares que aparecen na máquina do tempo se queredes volver a casa...

Un saúdo, A Vaca Pepa

PASAPALABRA. DÍA INTERNACIONAL DA MULLER.

 Aquí tedes diferentes "pasapalabras" para os diferentes cursos ou niveis. Quen consegue realizar o rosco completo?

ENQUISA 8M.

Con motivo da conmemoración do 8M, Día Internacional das Mulleres, desde o cole imos realizar unha actividade para que reflexionemos sobre o tempo que as mulleres lle adican diaria e semanalmente ó traballo remunerado e ó traballo de coidados, incluído o dunha mesma. 

A actividade é voluntaria e anónima e está dividida en varias partes: 

• Recollida de datos nunha gráfica que cada alumno/a levará á súa casa e que cubrirá coa información que a súa nai/titora lle vaia indicando. 
• Exposición de todas as gráficas nos corredores do centro. 
• Elaboración das conclusións que se extraian das mesmas, que realizará o alumnado de 6º.
• Información a toda a comunidade dos datos extraídos . 

Para poder levar a cabo este pequeno estudo é moi importante a participación . 

Anímate e participa! 

Datas de entrega: días 5 e 6 de marzo. 

As gráficas, que virán cubertas da casa se depositarán nunha caixa que estará colocada na entrada do colexio.

EQUIPO DE BIENESTAR E CONVIVENCIA.