📚💚 UN DÍA MOI ESPECIAL DE CONVIVENCIA LECTORA! 📚💚

Muuu, muuuu! 🐮📖

Con motivo do Día das Bibliotecas Escolares, o alumnado de 1º de Primaria viviu este venres, 23 de outubro, unha xornada moi especial na Escola Infantil Fernández Varela.

Recibíronnos cos brazos abertos e agasalláronnos cunha mañá chea de experiencias marabillosas: contacontos, apadriñamentos lectores, experimentos e xogos. 📚🧪🎲

Os nenos e nenas gozaron moitísimo desta xornada de convivencia, na que compartir lecturas, descubrir e xogar xuntos se converteu nunha experiencia inesquecible. 💚

Desde a Biblioteca da Vaca Pepa queremos dar as grazas á Escola Infantil Fernández Varela por esta fermosa invitación e pola súa agarimosa acollida. Foi un auténtico pracer compartir esta mañá con eles!

Agardamos repetir moitos máis momentos coma este ao longo do curso, creando novos lazos arredor dos libros, da amizade e da ilusión por aprender xuntos. 🐮📚✨

Grazas por facernos sentir coma na casa! Ata a próxima aventura!

💚 Biblioteca da Vaca Pepa

🐮BUSCAMOS AXUDANTES DE BIBLIOTECA! 📚

 Muuu, muuuuu! 🐮💚

Ola, rapaces e rapazas!

Este curso teño unha misión moi importante para vós…

📚 Busco axudantes de biblioteca! 📚

Se vos gusta a biblioteca, os libros e colaborar para que todo estea preparado, esta pode ser a vosa oportunidade! 😊

Axudaredes a coidar os libros e o espazo, colaborar durante os recreos e botar unha man nas diferentes tarefas da biblioteca.

Se queredes formar parte do meu equipo presentade a vosa solicitude! 👀

Eu xa estou desexando coñecer os novos membros do meu equipo.

Animádesvos?

🐮💚 Vaca Pepa

🌺📚 BEGOÑA CAAMAÑO, PROTAGONISTA DAS LETRAS GALEGAS 2026 🌺📚

Este ano celebramos o Día das Letras Galegas 2026 poñendo en valor a figura de Begoña Caamaño, unha autora fundamental da literatura galega contemporánea.

Xornalista e escritora, destacou polo seu compromiso coa lingua galega e pola súa maneira de dar voz a historias e personaxes femininos cunha mirada propia, forte e reivindicativa. ✍️💜

As súas obras invítannos a reflexionar, a cuestionar e a descubrir novas formas de entender a realidade, sempre cun estilo coidado e cheo de sensibilidade.

🐮✨ Desde a biblioteca animámosvos a achegarvos á súa obra, coñecer a súa traxectoria e celebrar a riqueza da nosa literatura.

Porque ler en galego… é tamén coñecer quen somos. 📖💫

🤝📚 APADRIÑAMENTO LECTOR: UNHA EXPERIENCIA INESQUECIBLE 🤝📚

Con motivo da celebración do Día do Libro, o alumnado de 5º de Primaria viviu unha xornada moi especial coa súa visita á EEI Fernández Varela.

O venres achegámonos para coñecer aos máis pequenos, que nos recibiron con grandes sorrisos, ilusión e moitas ganas de compartir. Amosáronnos a súa biblioteca e os seus sorprendentes ambientes de aprendizaxe, nos que traballan con liberdade para elixir, moverse e descubrir.

Organizámonos en pequenos grupos, mesturando maiores e pequenos, para comezar co máis importante: compartir contos. Os maiores leron as súas historias e, despois, os peques convertéronse en guías, ensinándolles os seus espazos, xogos e rutinas.

Houbo tempo tamén para merendar xuntos, xogar no patio, bailar, construír e conversar… creando momentos cheos de complicidade e alegría.

🐮✨ Foi unha experiencia preciosa e moi enriquecedora, que nos deixou grandes aprendizaxes e moitos recordos.

Queremos agradecer de corazón a invitación e o agarimo co que nos acolleron. 

Agora… prepararémonos para recibir aos máis pequenos no noso cole tan ben como eles o fixeron con nós. 💛

Porque compartir lecturas… é tamén compartir emocións. 📖✨

🌳📚 “AO AIRE, LIBRO" 📚🌳

Dentro da nosa Semana do Libro, levamos a lectura fóra da aula coa actividade “Ao aire, libro”.

O alumnado tivo a oportunidade de saír ao patio e aos espazos exteriores do centro para gozar dunha lectura compartida, ben con compañeiros e compañeiras da súa clase ou tamén con alumnado doutros cursos. 🌞📖

Unha experiencia diferente, na que os libros se mesturan co aire libre, a natureza e o pracer de ler en boa compañía.

🐮✨ Aquí vos deixamos algunhas imaxes destes momentos tan especiais, cheos de calma, sorrisos e moita lectura.

Porque ler… tamén se pode vivir ao aire libre! 🌿📚

📚🌟 SEMANA DO LIBRO NA NOSA BIBLIOTECA 🌟📚

A nosa biblioteca énchese de vida para celebrar a Semana do Libro cunha programación chea de actividades para toda a comunidade educativa.

📖🌳 “Ao aire, libro”
Se o tempo o permite, na hora de lectura, sairemos ao patio para gozar da lectura ao aire libre: baixo as árbores, en espazos tranquilos… deixando que a natureza acompañe as nosas historias.

🎤✨ Contacontos para todo o alumnado
Grazas ao ANPA, contaremos cunha sesión moi especial da man de Sole Felloza, que nos fará viaxar coas súas historias.

🤝📚 Apadriñamento lector
O alumnado de 5º de Primaria visitará a EEI Fernández Varela para compartir contos cos máis pequenos.

🎨📑 Taller de marcapáxinas
Durante toda a semana, nos recreos, realizaremos un obradoiro de marcapáxinas inspirados nos contos clásicos.

🎁📰 Agasallo da biblioteca
Para agradecer a vosa participación, repartiremos un tríptico con xogos e actividades: labirintos, sopas de letras, tres en raia, aforcado, sudokus e marcapáxinas para colorear.

🐮✨ Unha semana para ler, compartir e desfrutar dos libros en todos os recunchos do cole.

Animámosvos a participar e a vivir a lectura con ilusión! 📚💛

🌼📚 NOVIDADES DE ABRIL 📚🌼

Abril chega cheo de luz… e tamén de novas lecturas e xogos na nosa biblioteca! 🌸✨

Este mes atoparedes unha coidada selección de novidades para todos os gustos:

📖 Narrativa con historias que enganchan
🎨 Álbums ilustrados cheos de cor e emoción
💬 Cómic e banda deseñada para rir e aventurarse
🌍 Libros informativos para aprender e descubrir
🎲 Xogos de mesa para compartir e divertirse

Coa chegada da primavera e a celebración do Mes do Libro, é o momento perfecto para achegarse á biblioteca e deixarse levar pola maxia da lectura.

🐮✨ A Vaca Pepa xa ten a súa lista de favoritos…
¿E ti, xa viñeches descubrir as novidades?

📍 Agardámoste na biblioteca!

🎃 NOVIDADES DE SAMAÍN NA BIBLIOTECA 👻

Chega o Samaín e a nosa biblioteca énchese de lecturas arrepiantes e misteriosas! Temos novos contos, historias de medo, bruxas, pantasmas e moita imaxinación para desfrutar nestas datas tan especiais.

📚 Nos días previos ao Samaín poderedes visitar unha pequena exposición cos novos fondos relacionados con esta celebración.

Achegádevos á biblioteca, descubrídeos e deixade que o medo e a maxia vos acompañen… se vos atrevedes! 🕯️👀

CONTACONTOS NO MES DO LIBRO. 3º PRIMARIA

 O alumnado de 3º de Primaria sorprendeunos esta semana cunha actividade chea de creatividade e talento: representaron para todo o colexio dous contos traballados na aula, A mosca chosca e A tartaruga que quería durmir. 

Non só fixeron un fantástico labor como actores e actrices, senón que, nas distintas funcións, foron intercambiando os papeis con moita naturalidade. 

Detrás desta marabilla hai tamén un gran traballo por parte das súas mestras. 

Grandes e pequenos gozamos moitísimo dunha experiencia que quedou simplemente… ¡incrible!

CONVOCATORIA AXUDANTES DE BIBLIOTECA

Xa temos aquí a convocatoria para cubrir as vacantes dos axudantes de biblioteca. Sinalar que todo o alumnado de sexto que presente a solicitude será incluído nos equipos de axudantes. Entrega de solicitudes ata o 20 de setembro.

Esperamos que gocen deste posto e que vivan o mundo da biblioteca con ilusión e agarimo.

Un saúdo, Vaca Pepa.

DESPEDIDA E AGRADECEMENTO AOS NOSOS AXUDANTES DE BIBLIOTECA.

No día de hoxe tivemos a despedida e agradecemento aos nosos axudantes, pola súa apreciada colaboración no día a día da nosa biblioteca.

Durante este curso 16 alumnos/as de 6.º foron Axudantes da Biblioteca durante os recreos e en numerosas actividades do centro.

Fixemos varios grupos asumindo as súas tarefas segundo o día que lles correspondía vir á biblioteca.

Fixérono fenomenal e con moita ilusión, por eso entregámoslles un pequeno agasallo a final de curso.

Grazas a todos pola vosa colaboración 🙂

Un saúdo, A Vaca Pepa

CONTACONTOS POLA IGUALDADE. ALUMNADO 4º DE PRIMARIA

O alumnado de cuarto preparou dous libros preciosos para contarllos aos pequenos de 2º, a verdade que traballaron moitísimo pois ademais de memorizar os contos elaboraron todas as ilustracións dos contos para darlle aos contos a súa perspectiva.

Adriana, Jimena e Martina teñen grandes soños, pero a banda de Don Noloconseguirás encheulles os petos de pedras para que non poidan voar...

Un álbum que fala dous estereotipos de xénero empregando un dous mellores instrumentos: ou humor.

Un saúdo, A Vaca Pepa

APADRIÑAMENTO LECTOR NA HORA DE LECTURA.

Tras o éxito e a resposta do alumnado na a actividade do apadriñamento lector, as aulas de 1º e 3º decidiron seguir gozando desta experiencia organizando lecturas conxuntas co seu alumnado na hora de ler para que os seus alumnos poidan seguir gozando do acompañamento lector.

Un saúdo, A Vaca Pepa

MESTRES/AS POR UN DÍA.

Ao rematar de contar os contos no Apadriñamento Lector, os nenos de quinto convidaron aos nenos de segundo a subir ás súas aulas, onde lles mostraron os seus traballos sobre os ecosistemas e lles explicaron un montón de cousas.

O alumnado de quinto puido gozar explicando aquelas cousas que aprenderon e traballaron durante estes días transmitindo os seus coñecementos aos máis pequenos. O alumnado de segundo gozou da actividade aprendendo un pouquiño máis dos temas que xa empezan a traballar na aula.

Os alumnos de quinto foron uns grandes mestres. Parabéns!

Un saúdo, A Vaca Pepa

ACTIVIDADES MES DO LIBRO. APADRIÑAMENTO LECTOR.

Hoxe realizamos unha das actividades do mes do libro. 

Os alumnos e alumnas do cole gozaron da compañía e a boa lectura dos seus padriños e madriñas lectoras.

Creouse un ambiente máxico en todas as zonas do patio do cole onde podiamos observar caras de curiosidade, felicidade e goce.

Experiencia moi positiva que seguramente repetiremos. 

Un saúdo, A Vaca Pepa

SAMAÍN ESTÁ EN PERIGO

Atención a todos! 

Samaín está en perigo, e necesitamos a túa axuda para salvar a festa. 

Axudanos a resolver enigmas, pistas e misterios máxicos.

Atopa doces máxicos perdidos, recupera a cabaza da luz, descobre obxectos máxicos ocultos por trasgos travesos.

Mergúllate no mundo máxico do Samaín e goza dunha experiencia única! 

Un saúdo, A Vaca Pepa

SEGUNDA ANDAINA "OS CAMIÑOS DA MEMORIA"

O día 21 de setembro, Día Mundial do Alzheimer, tivemos unha actividade xunto cos nosos maiores dos Centros de Día de Rois, Porto do Son e A Pobra do Caramiñal.

Os nenos e nenas de 6º de primaria do CEPP Salustiano Rey Eiras acompañamos aos nosos maiores nunha pequena andaina. Queriamos darlles o noso apoio e o noso agarimo.

Unha maneira diferente de traballar o Día Mundial do Alzheimer.

Desde a biblioteca queremos achegar diferentes contos que nos axuden a entender esta enfermidade, sobre a perda de memoria, o que conleva e como podemos axudar.

Un saúdo, Vaca Pepa.

NOVIDADES DE MAIO

Durante o mes de maio temos na biblioteca unha pequena exposición das derradeiras novidades que chegaron a nosa biblioteca.

Se clicas na imaxe poderás velas.

Un saúdo, A Vaca Pepa.

APADRIÑAMENTO LECTOR.

Hoxe realizamos unha das últimas actividades da semana do libro. 

Os alumnos e alumnas do cole gozaron da compañía e a boa lectura dos seus padriños e madriñas lectoras.

Creouse un ambiente máxico en todas as zonas do patio do cole onde podiamos observar caras de curiosidade, felicidade e goce.

Experiencia moi positiva que seguramente repetiremos. 

Un saúdo, A Vaca Pepa

SEMANA DO LIBRO. ABRIL 2023

 O 23 de abril conmemórase o Día do Libro, desde o equipo de Biblioteca propoñemos traballar esta celebración durante a semana do 17 ao 21 de abril.

A actividade que propoñemos é “5 días, 5 retos”, que consiste en realizar diversas actividades relacionadas co libro ou a biblioteca (cada un dos días desa semana).

Un saúdo, A Vaca Pepa