Xa temos aquí a convocatoria para cubrir as vacantes dos axudantes de biblioteca. Sinalar que todo o alumnado de sexto que presente a solicitude será incluído nos equipos de axudantes.
Esperamos que gocen deste posto e que vivan o mundo da biblioteca con ilusión e agarimo.
Un saúdo, Vaca Pepa.
Queridas familias:
Xa estamos de volta!! Botabámosvos de menos!!
Estamos moi contentos/as de darvos a benvida a este novo curso 2023-2024.
Abrimos as nosas portas para recibir aos nosos peques e comezar unha nova aventura, chea de retos, aprendizaxes e moita moita diversión!!
Durante o mes de setembro a Biblioteca estará aberta para poder gozar de numerosas lecturas nos nosos momentos de lecer.
Estades listos/as?.. Comezamos!!
"Pakolas’ é o músico e narrador Paco Cerdeira, cun espectáculo co que percorre bibliotecas, centros de lectura, feiras do libro, e outros espazos como teatros, auditorios, ou centros sociais.
E nós tivemos a sorte de telo connosco o último día de clase.
Este acto daba por finalizado un proxecto levado a cabo en todas as aulas a través da área de Música.
Tanto alumnos como profesores tiveron a oportunidade de bailar e gozar coas cancións que escoitaran durante todo o proxecto.
Un saúdo, A Vaca Pepa
No día de hoxe tivemos a despedida e agradecemento aos nosos axudantes, pola súa apreciada colaboración no día a día da nosa biblioteca.
Durante este curso 27 alumnos/as de 6.º foron Axudantes da biblioteca durante os recreos e numerosas actividades do centro.
Fixemos tres grupos asumindo as súas tarefas segundo o día que lles correspondía vir á biblioteca..
Dedicáronse a:
.jpg)
O grupo "Gargallada teatro", formado por compañeiros/as do noso cole, presentáronnos a obra "Charlie e a fábrica de chocolate".
Xa sabiamos que tiñamos uns actores incribles entre nós, pero sempre nos sorprenden.
Darlle as grazas a todo o grupo de teatro por permitirnos gozar das súas obras unha vez máis.
E desexámoslles moita sorte na súa traxectoria.
Un saúdo, A Vaca Pepa
Este curso xa case rematou e aquí vos deixamos unhas recomendacións para que poidades gozar do verán lendo un bo libro...
FELICES VACACIÓNS!!
Un saúdo, A Vaca Pepa.
Como antesala ao Día Mundial Sen Tabaco que se conmemora no 31 de maio, o alumnado de 5º e 6º de primaria asistiu a charlas impartidas polo Colexio Profesional de Hixienistas Dentais de Galicia.
Charla promovida polo Concello.
Promóvese esta acción un ano máis para concienciar ás novas xeracións sobre a problemática que ocasiona o tabaco na saúde bucodental, ademais da problemática dunha alimentación que abuse do consumo de azucre.
Un saúdo, a Vaca Pepa.
CHEGAMOS AO FINAL DOS RETOS!!!
Neste último, EMBAIXADORES/AS DO VIDRO, necesitamos que:
Con esta actividade o que pretendemos é que o alumnado como “EMBAIXADORES/AS DO VIDRO” sexan conscientes de que ademáis de poder reciclar o vidro en contedores tamén poden darlle unha segunda vida.
Melloramos un espazo importante da nosa biblioteca: a entrada da biblioteca que invítanos a entrar nela dunha maneira máxica.
A entrada convídanos a penetrar nun mundo máxico. Nela podemos ver a frase secreta da nosa xincana da semana do libro: “Mergúllate entre contos para nadar entre soños”
Temos que darlle as grazas ao noso compañeiro Paco por facer do noso soño unha realidade. Moitas horas de traballo que deixan unha biblioteca aberta a imaxinación de cada un de nós.
Un saúdo, A Vaca Pepa
ANIMAIS EXTRAORDINARIOS
Tivemos a sorte de ter a visita de Xulio para contarnos cousas extraordinarias relacionadas cos animais e o seu mundo, relacionadas cos seus libros que temos a sorte de poder atopalos na nosa biblioteca.
Os alumnos do primeiro ciclo de Ed. Primaria participaron, na mañana do venres 19, dun encontro co ilustrador Benxamín. Esta actividade é promovida pola Editorial Anaya. Con esta visita os rapaces puideron coñecer o proceso de creación dos debuxos dun conto.
Gracias Benxamín polos teus debuxos e historias!!!
Un saúdo, A Vaca Pepa
Malibú visitou o noso colexio para ensinarlle ós nenos a ser máis responsables, máis solidarios e a ter unha maior sensibilidade e respeto cara os animais.
Coñeceron as responsabilidades que implica un animal e os seus coidados para unha tenencia responsable (identificación, esterilización, acudir regularmente ao veterinario...)
Aprenderon comportamentos cívicos (manter as rúas limpas...)
Coñeceron a problemática do abandono, a realidade das canceiras, a adopción dos animais, a distintas formas de colaborar (ser casa de acollida, voluntario, adoptar...)
O 16 de maio o alumnado gozou dunha xincana relacionada co Día das Letras Galegas: "Na procura das Letras Perdidas", a cargo de Barafunda Animación e destinada ós colexios da primaria de todo o concello da Pobra do Caramiñal, a partir das 10.00 horas, polas prazas e rúas da localidade.
Actividade proposta polo Concello.
"As letras galegas están en perigo. Unha galerna espallounas por todo o parque e se pasan moito tempo soas, desaparecen! Axúdanos a atopalas?"
Un saúdo, A Vaca Pepa
Os nenos e nenas de 5º e 6º de primaria tiveron unha charla impartida por compoñentes da DGT para coñecer de primeira man o Proxecto "Camiños Escolares Seguros".
O obxectivo é “recupera-la tradición de camiñar xuntas e xuntos á escola dunha maneira segura.”
Que os nenos e nenas póidanse desprazar de maneira autónoma, apostando por unha mobilidade saudable, sostible e segura.
Un saúdo, A Vaca Pepa
Para homenaxear o Día das Letras Galegas 2023, desde Afundación convídannos a coñecer e participar nas seguintes actividades dixitais.
Un conto para que visualicen os máis pequen@s e un xogo para participar e comprobar os coñecementos sobre Francisco Fernández del Riego.
Un saúdo, A Vaca Pepa
Hoxe foi un día moi especial na Pobra do Caramiñal.
A escritora María Canosa recibiu o premio de literatura infantil Carlos Mosteiro.
Á entrega do premio foi invitado o alumnado de 5° e 6° do CEPP Salustiano Rey Eiras, quen logo de escoitar ás emotivas palabras de Patricia Lijó, concelleira de cultura, Encarna Pego, representando á Asociación Cultural Barbantia e membro do xurado, Marcos Calveiro, da editorial Galaxia e a propia autora, María Canosa; recibiron o libro como agasallo do concello da Pobra.
Grazas por este día!!!!
Un saúdo, A Vaca Pepa
Nesta entrada atoparedes:
Un vídeo que nos fala da vida e a obra do autor.
Un genially onde comprobaremos se coñecemos a Francisco Fernández del Riego.
Un saúdo, A Vaca Pepa
Este ano o Día das Letras Galegas está adicado a Francisco Fernández del Riego.
Na biblioteca poderedes atopar distintos libros que nos axudarán a coñecer mellor ao autor e a súa obra. Tamén temos un xogo de mesa que nos axudará a coñecer e utilizar máis a lingua galega.
Aquí atoparedes recursos dixitais relacionados coas letras galegas e coa nosa lingua.
Actividade interactiva dirixida ao alumnado de 1º e 2º de Primaria sobre a biografía e obra do autor.
A ruleta de Francisco Fernández del Riego.
O rodicio de Francisco Fernández del Riego.
O xogo dos birlos.
Xogo de memoria.
O xogo da detective. Trovadores e Xograres.
O alumnado de 4º, 5º e 6º de primaria disfrutou dunha charla moi interesante que lles ofreceron os axentes forestais da Consellería de Montes e Medio Rural.
Puideron coñecer algúns datos interesantes relacionados cos hábitats naturais próximos ao noso centro (Monte da Curota, Dunas de Corrubedo, A praia do Areal, Río Pedras, A xunqueira e Carballeira da Silva).
Falaron sobre a fauna e a flora propia, a protección e coidado dos hábitats, os efectos da plantación de especies invasoras, o efecto devastador do incendio diste veran no monte da Curota ... E puideron observalo a vista de dron.
Charla moi enriquecedora na que os alumnos gozaron enormemente.
Durante o mes de maio temos na biblioteca unha pequena exposición das derradeiras novidades que chegaron a nosa biblioteca.
Se clicas na imaxe poderás velas.
.png)
Hoxe realizamos unha das últimas actividades da semana do libro.
Os alumnos e alumnas do cole gozaron da compañía e a boa lectura dos seus padriños e madriñas lectoras.
Creouse un ambiente máxico en todas as zonas do patio do cole onde podiamos observar caras de curiosidade, felicidade e goce.
Experiencia moi positiva que seguramente repetiremos.
Un saúdo, A Vaca Pepa
Este sábado (22 de abril) déronse a coñecer aos gañadores dunha nova edición co Certame de Curtas Alberto Romero.
Nesta sétima entrega concorreron máis de 50 traballos nas cinco categorías e recuperouse a normalidade no desenvolvemento da gala logo da pandemia. Presentado por Loida e Kika Fernández, o acto contou con varias actuacións musicais e unha peza teatral, ademais da proxección das curtas gañadoras. No apartado Primaria, a gañadora foi “A rapaza de plástico”, dos alumnos do Salustiano Rey Eiras.
Queremos felicitar aos nosos/as alumnos/as e a súa profesora polo seu magnífico traballo.
Un saúdo, A Vaca Pepa
Xa estamos na recta final!
So nos quedan dous retos para rematar o proxecto de GENERACIÓN ECO!!!
Neste reto a actividade consiste en concienciar ao alumnado da importancia que ten preservar os hábitats naturais que temos na nosa contorna e coidar a súa biodiversidade. Por iso, imos a investigar os sistemas da nosa contorna.
Un saúdo, A Vaca Pepa
Ola a todos/as!
Queremos darvos as grazas pola vosa participación nas actividades organizadas durante a semana do libro.
Aquí tedes unha pequena mostra dalgunhas desas experiencias.
Un saúdo, A Vaca Pepa.
O 23 de abril conmemórase o Día do Libro, desde o equipo de Biblioteca propoñemos traballar esta celebración durante a semana do 17 ao 21 de abril.
A actividade que propoñemos é “5 días, 5 retos”, que consiste en realizar diversas actividades relacionadas co libro ou a biblioteca (cada un dos días desa semana).
Un saúdo, A Vaca Pepa
O lettering é unha arte incrible que desenvolve a imaxinación e potencia a creatividade, ademais aumenta a capacidade de concentración e favorece á coordinación.
Lettering é a arte de DEBUXAR letras bonitas.
Beneficios do lettering
Durante o mes de abril temos na biblioteca unha pequena exposición das derradeiras novidades que chegaron a nosa biblioteca.
Se clicas na imaxe poderás velas.
O Día Das Artes Galegas é una conmemoración instituída pola Real Academia Galega de Belas Artes no ano 2015 e que se celebra cada 1 de abril. O primeiro artista homenaxeado foi o Mestre Mateo, autor do pórtico da Gloria da Catedral de Santiago de Compostela. Este ano 2023 o Día Das Artes Galegas dedícase ao trobador vigués Martín Códax.
Un saúdo, A Vaca Pepa.
Os nenos/as do cole fixeron un traballo sobre as paisaxes do Barbanza.
Cada nivel creou unha cesta con obxectos, imaxes, audios, vídeos ... típicos do lugar que lles tocou traballar.
As súas paisaxes foron:
Todo o material que vén nas cestas está correctamente explicado en distintos formatos (imaxes, textos, folletos informativos ...).
Para poder gozar deste traballo preparouse unha exposición na Biblioteca e así os diferentes cursos puideron ir coñecer outras paisaxes da contorna.
Un saúdo, A Vaca Pepa
RETO 6: " A MIÑA PEGADA ECOLÓXICA"
O reto deste mes consiste en reducir o consumo de auga deixando unha pegada ecolóxica . Para conseguilo teremos que plantar unha planta por cada nivel ou curso.
Queremos plantar plantas aromáticas, pero queda a vosa elección.
Podedes escoller outro tipo de planta que teña máis sentido ou funcionalidade para o voso alumnado.
Para coidar a planta ata que vos medre, teredes que utilizar auga da chuvia (deste xeito contribuímos coa "pegada hídrica") que podedes coller nos bidóns azuis que están a carón do invernadoiro.
Unha vez xerminadas, trasplantaranse nalgún lugar do recinto escolar.
APROVEITADE QUE CHEGA A PRIMAVERA PARA PLANTAR!!!
Un saúdo, A Vaca Pepa.
O alumnado de valores de 4º do CEPP Salustiano Rey Eiras interpretan o poema "Xan" de Rosalía de Castro (Follas novas, 1880) musicado por Uxía.
Este poema de Rosalía xoga cos roles de xénero e parece alleo ao paso do tempo porque pode reflectir a realidade actual.
Pese aos avances no feminismo e na igualdade entre homes e mulleres, a realidade é que "a maioría das mulleres son as que asumen a diario as mil tarefas relacionadas cos coidados: facer a compra, recoller as/os nenas/os na escola, planifican a semana, están pendentes dos avós e avoas e teñen que tamén ir a traballar".
Cada individuo, entidade ou organización ten a posibilidade de cambiar ideas e formas de actuar, pero antes é necesario visibilizalo e darse conta.
A educación pode ser unha das mellores ferramentas para conseguir a igualdade!
Grazas compañeira Silvia por ensinarnos sempre cosas tan fermosas!
Un saúdo, A Vaca Pepa.
Escritoras, científicas, actrices, políticas ou aviadoras, entre outras profesións.
Son moitas as mulleres que cambiaron a historia no tempo que lles tocou vivir e que desempeñaron un papel fundamental no desenvolvemento dos acontecementos.
Grandes revolucionarias que, día a día, romperon co establecido en cada un dos seus campos e, tamén, na sociedade.
Mulleres valentes que abriron o camiño a tantas outras que, na súa loita pola igualdade, fixeron do mundo un lugar máis xusto.
Un saúdo, A Vaca Pepa.
O 8 de marzo celébrase o Día Internacional da Muller, un día adicado á loita pola igualdade, a participación e o empoderamento da muller en todos os ámbitos da sociedade.
Aquí tedes un Escape room (@guille_buedo):
Oh, oh... Algo foi mal... A personaxe quedou atrapada nun espazo temporal... Deberedes viaxar a todos os lugares que aparecen na máquina do tempo se queredes volver a casa...
Un saúdo, A Vaca Pepa
Aquí tedes diferentes "pasapalabras" para os primeiros cursos. Quen consegue realizar o rosco completo?
Relacionado co proxecto do centro: Coidado do medio ambiente os nenos construíron coa técnica de papiroflexia árbores de diferentes cores.
Logo, escribiron en cada árbore un verso ou un poema de Rosalía que trataba sobre o tema ambiental, a paisaxe, a natureza, os ríos, as plantas, os animais,...
Entre todos construímos un mural colorido coas árbores e os versos de Rosalía.
Un saúdo, A Vaca Pepa
Temos na biblio un novo recuncho: A mesa de Luz.
A mesa de luz é un dos recursos educativos que máis atraen aos nenos.
Trátase dunha superficie con base luminosa que permite aos nenos poder experimentar de forma sensorial, xa sexa facendo as súas propias creacións artísticas, usándoa para calquera tipo de xogo que el mesmo invente…
A luz atrae de forma natural aos nenos e transforma os materiais dándolles unha nova dimensión.
Beneficios da mesa de luz:
Aquí tedes algúns dos libros que poderedes atopar durante estas semanas nas mesas de exposición da nosa Biblioteca.
Esperamos que vos sexan de gran utilidade.
Lembrar que todos os libros expostos poden ser prestados en calquera momento.
Un saaúdo, A Vaca Pepa.
Durante o mes de marzo temos na biblioteca unha pequena exposición das derradeiras novidades que chegaron a nosa biblioteca.
Se clicas na imaxe poderás velas.
Un saúdo, A Vaca Pepa
Neste día, os nenos de 1º e 2º tivemos a visita de PACO NOGUEIRAS.
Trouxo a súa maleta cargada de contos e música: aventuras, rimas divertidas, ritmos e bailes,...
Pasamos momentos marabillosos cheos de emoción.
Aquí tedes unha pequena mostra desta aventura.
Un saúdo, A Vaca Pepa.
A música é sempre un dos mellores vehículos para descubrir e gozar da poesía. Uxía déixanos un feixe de cancións para retratar esa muller: a verdadeira Rosalía.
Rosalía pequeniña, pirata, poeta, aventureria ou fada. Rosalía pequeniña para cantar, para rir, para gozar ou bailar. Rosalía de Castro. Na voz de Uxía.
Un saúdo, A Vaca Pepa
A natureza é un dos elementos máis descritos na poesía. E na obra de Rosalía non ía ser menos, nos seus poemas abundan as descricións da natureza, sobre todo a descrición de paisaxes, moitas veces relacionado co seu estado anímico. Algunhas veces proxecta o seu estado de ánimo sobre a natureza e outras veces úsaos como contraste dos seus sentimentos.
No seu primeiro libro, A Flor, Rosalía mostra o seu amor pola natureza, describindo as paisaxes de Galicia dunha forma algo artificial, moi característico do seu estilo literario. Ademais, Rosalía, utiliza moito as descricións dos piñeirais e os carballos e outras especies de árbores. Con todo, as súas árbores favoritas son o carballo e a aciñeira que simbolizan o pasado glorioso de Galicia. E sente a talla das árbores como a mutilación.
Rosalía adoita empregar os animais polo seu valor simbólico ou suxerido, os corvos suxiren a desolación dos montes pelados, o ouveo do lobo que acentúa a soidade dos montes. O gorrión adusto, as cabras montesas e o can sen dono indican o carácter agreste e solitario do camiño evocado.
Como este ano estamos co proxecto do coidado do medio ambiente construiremos coa técnica de papiroflexia árbores de diferentes cores.
Logo, os nenos escribirán en cada árbore un verso dun poema de Rosalía que trate sobre o tema ambiental, a paisaxe, a natureza, os ríos, as plantas, os animais,..., como por exemplo: "Dicen que no hablan las plantas".
Entre todos construiremos un mural colorido coas árbores e os versos de Rosalía.
Traballo que realizaremos na HORA DE BIBLIOTECA. Atoparemos alí o material para crear as árbores, os libros dos poemas de Rosalía, os ordenadores de consulta,... para poder levar a cabo esta actividade.
Un saúdo, A Vaca Pepa.
Aquí tedes un "pasapalabra" para comprobar canto sabemos do noso Entroido Galego.
Genially elaborado polo Ceip Emilia Pardo Bazán da Coruña. Este material tamén está publicado no Portal da Lingua Galega, das SXPL da Xunta de Galicia.
Un saúdo, A Vaca Pepa.
ENTROIDO SOSTIBLE.
Neste novo reto temos que aforrar enerxía reciclando e reutilizando distintos materiais para a elaboración dos nosos desfraces de entroido.
O entroido é unha das festas máis tradicionais da nosa comunidade, con múltiples variantes segundo o lugar. E é tamén unha das preferidas polos máis novos, de aí a facilidade para aproveitar este interese e traballar múltiples aspectos formativos: historia, xeografía, tradición, valores, música, gastronomía, plástica…
CLICA NA IMAXE.
UNIDADE DIDÁCTICA.
Descarga a unidade didáctica sobre o Entroido para coñecer a orixe desta celebración e a súa evolución en cada zona ata os nosos días.
O Día Internacional das Mulleres e as Nenas na Ciencia, que se celebra cada ano o 11 de febreiro, foi aprobado pola Asemblea Xeral das Nacións Unidas co fin de lograr un acceso e participación pleno e equitativo na ciencia para mulleres e nenas, e tamén para lograr a igualdade de xénero e o empoderamento de mulleres e nenas.
Este Día recorda que as mulleres e as nenas xogan un papel fundamental nas comunidades científicas e tecnolóxicas e que a súa participación debe fortalecerse.
XOGO DE PISTAS... Pescudar a científica que se agocha detrás de cada información.
O concello da nosa localidade inculca-la paixón polas artes escénicas dende idades temperás: este é o obxectivo marcado pola Concellaría da Cultura da Pobra do Caramiñal cunha nova edición da mostra de teatro para escolares desenvolvida no mes de febreiro coa colaboración da Rede Cultural da Deputación da Coruña.
O noso alumnado acudirá ao cine Elma para disfrutar dunha obra de teatro adaptada as súas idades.
Este mes de febreiro temos entre as novidades a Amanda Black:
Amanda, o día en que cumpre 13 anos, descobre un gran secreto sobre a súa familia. Un secreto que lle cambiará toda a vida. É unha moza moi valente e moi intelixente que sempre está lista para unha nova aventura e para resolver calquera misterio.
Amanda Black necesita a túa axuda para atopar a Galería dos Segredos.
Un saúdo, A Vaca Pepa
RETO 4:" Educadores ambientais por un día"
Neste reto o alumnado contaralle aos seus pais/nais/ titores legais o que aprenderon sobre a exposición realizada no cole sobre PLANTAS EXÓTICAS INVASORAS e investigarán con eles se teñen algunha PEI preto da súa casa ou polos lugares por onde pasan camiñando...
Unha vez localizada ou localizadas as plantas exóticas invasoras sacaranlle unha foto e nola enviarán (co nome do lugar onde a atoparon e o curso ao que pertencen) ao correo: medioambiente@bandaseca.es para despois nós divulgalas no BLOG de Mediaoambiente Bandaseca e no Facebook do cole.
MOITÍSIMAS GRAZAS DE ANTEMÁN POLA VOSA COLABORACIÓN.
Durante o mes de febreiro temos na biblioteca unha pequena exposición das derradeiras novidades que podemos levar a casa.
Se clicas na imaxe poderás velas.
O alumnado de valores de 4º din "NON Á GUERRA" interpretando este tema "Verdad que sería estupendo" de Cómplices.
Actualmente a guerra de Ucrania é coñecida por todas e todos pero, hai moitos máis conflitos activos no mundo agora mesmo con miles de vítimas, sobre todo nenas e nenos.
Unha solución pode ser a educación para que ninguén queira ir á guerra.
Por todas e todos berremos NON Á GUERRA!!!
Grazas profe Silvia e alumnado de valores de 4ºA! Encantounos o voso traballo!
Un saúdo, A Vaca Pepa
Durante estes días e ata o 4 de febreiro gozaremos no cole dunha exposición dedicada ás plantas invasoras que podemos atopar na nosa contorna.
Cada aula poderá participar nunha actividade relacionada con esta exposición, onde poderemos investigar, identificar, relacionar e xogar con todas estas plantas para así coñecelas mellor e estar preparados para o seguinte reto.
Desde a biblioteca empezamos un curso relacionado co lettering.
"LETRAS CON MAXIA"
O lettering é a arte de debuxar letras a man de forma creativa e está indicado tanto para adultos como para nenos.
O primeiro que hai que saber para entender o que é o lettering é que non se trata de caligrafía (escribir letras de forma correcta) nin tampouco de tipografía (deseñar distintos tipos de letras).
O lettering é unha forma de debuxar e de crear un abecedario propio pero facendo uso das letras, debuxándoas de maneira creativa. Para empezar, non é necesario ter unha ‘boa letra’ para facer lettering (xa que as propias letras poden considerarse formas a debuxar), só hai que ter paciencia, contar co material adecuado e botar man da imaxinación xa que é unha técnica que se aprende aos poucos.
Tamén é importante coñecer unha das súas regras básicas á hora de poñerse a debuxar, que está relacionada co trazado: cando se debuxa cara arriba, o trazo debe ser fino, e cando se fai cara abaixo debe ser groso: para iso, o único que hai que facer é aplicar maior presión no momento de realizalo.
Realizarase en dous recreos semanais (luns e mércores) e estará dirixido soamente ao alumnado de 6º debido á gran participación (entre 20 e 24 alumnos/as). Xa que son moitos alumnos para o pouco tempo do que dispoñemos 25-30 minutos cada día.
Un saúdo, A Vaca Pepa
Este ano desde a Biblioteca queremos traballar cos nenos e nenas o tema da Guerra.
Os contos poden axudarnos a explicarlles os absurdos motivos polos que ás veces se desata unha guerra entre países, as terribles consecuencias que teñen os conflitos bélicos, e transmitirlles os valores adecuados para que eles e elas sexan capaces de crear un futuro mellor para todos. Esta selección de contos para falar da guerra aos nenos axúdalles a entender a importancia de valores como a tolerancia, a solidariedade, a empatía e a paz.
Esperamos que disfrutedes dos contos.
Unha aperta, A Vaca Pepa
Temos unha noticia que darvos. Os nenos e nenas deste cole elaboraron un recetario co ECO-RETO 3 que nos propuso o Equipo de Medio Ambiente.
E o mellor de todo é que o temos na nosa Biblioteca para que todos nós podamos disfrutar das riquísimas receitas que elaboraron neste Nadal.
Aquí tedes a mostra.....💕💕💕💕
Un saúdo, A Vaca Pepa
