Buscar neste blog

martes, 29 de outubro de 2019

COMO MOLA A TÚA VASOIRA

"Como mola a túa vasoira! Podo voar convosco?". 

Unha historia  acumulativa, cunha rima sinxela, na que a bruxa vai perdendo as súas cousas e vanas atopando animais que se farán compañeiros de viaxe e na que a xenerosidade da bruxa verase recompensada.


Hoxe gozaron desta historia dunha maneira diferente, a través do cinema, aínda que tamén poderán lela na biblioteca pois este libro atópase nos nosos andeis.

Un saúdo, A Vaca Pepa.


CONXURO DE BRUXAS.

O luns, 28 de outubro, visitáronnos tres bruxas. Viñeron realizar connosco un conxuro na biblioteca.
Pasámolo moi ben, e a partir de agora temos que buscar as palabras máxicas nos libros da biblioteca.




CONXURO.

PELOS DE ARAÑA
E UNLLAS DE OURIZO
SON OS INGREDIENTES 
PARA ESTE FEITIZO.

LEGAÑAS DE ZOMBI
UN SAPO, TRES VERMES
DAME MOCO DE URCO
PARA COMPLETAR ESTE PREBE

QUE BAILEN AS BRUXAS
QUE BAILEN AS MEIGAS,
QUE BAILEN TODAS XUNTAS
ARREDOR DESTA MESA.

SALTADE MENIÑOS!
SALTADE AS NENAS!
DISFRUTADE TODOS E TODAS
LENDO NESTA BIBLIOTECA!!!

TRIS-TRÁS, CUCUTRÁS
POÑEDE O VOSO CÚ
MIRANDO CARA ATRÁS!!!

Un saúdo,  Vaca Pepa.

venres, 25 de outubro de 2019

CANCIÓN DA VACA PEPA


Ola a todos/as!
Este ano a Vaca  Pepa ten moitas ganas de cantar e bailar. Aquí deixámosvos unha canción na que os nosos/as alumnos/as poderán lembrar algunhas das normas da nosa biblioteca.
Animarvos a escoitala! Ten un ritmo moi pegadizo.





Un saúdo, Vaca  Pepa

OS GAÑADORES DO I CONCURSO CONTOS DE MEDO.

 XA TEMOS GAÑADORES DO CONCURSO!

Temos que felicitar aos nosos/as alumnos/as por participar no I Concurso de  contos de  Medo.
Dicirvos que había traballos moi bos e de gran calidade, que non foi doado tomar unha decisión. Animámosvos a todos/as a seguir escribindo e, como non, a facer as ilustracións dos vosos propios contos.
Aquí deixámosvos a acta onde aparecen os gañadores deste concurso.



Un saúdo, Vaca  Pepa.






xoves, 24 de outubro de 2019

FARSA ITALIANA DA NAMORADA DO REI



Os días 23 e 24 de outubro no Teatro ELMA, tiveron lugar catro sesións escénicas para o público escolar da obra “Farsa italiana da namorada do rei”, farsa sentimental e grotesca, escrita por Ramón del Valle-Inclán.

Cada outubro, na Casa Museo Valle-Inclán da Pobra do Caramiñal promoven diferentes eventos culturais para celebrar a efeméride do natalicio dun autor da literatura mundial como é don Ramón nas Terras Arousás.
Esta peza teatral está destinada ao público infantil. Pola súa calidade, os seus contidos e desenvolvemento escénico, fixo as delicias dos/as máis pequenos/s, aportándolles elementos útiles así para a súa educación así para o seu entretemento dende a cultura.
O espectáculo foi unha sesión con monicreques e marionetas a cargo da compañía de teatro Cachirulo, de Santiago de Compostela.
Levada ó galego, o seu argumento é entretido, un enredo de contidos infantís de cariños, amoríos  e travesuras, dende o estilo áxil e moderno do polifacético escritor, de duración dunha hora.











mércores, 23 de outubro de 2019

EXPOSICIÓN DE CONTOS DE MEDO.


Durante todo este mes de outubro temos a sorte de atopar na biblioteca da vaca  Pepa unha exposición de contos de medo.
A exposición está dividida en dúas zonas:
- Unha zona para os primeiros lectores (1º e 2º curso de primaria) onde os alumnos/ as poden atopar libros ilustrados relacionados co Samaín,  monstros, bruxas,  momias,...e todo tipo de personaxes relacionados co tema do medo
- Unha zona para lectores de 3º a 6º de primaria onde os alumnos/ as poden atopar libros ilustrados, cómics, libros de consulta de conxuros, pócemas, libros de narrativa,... 

Esperamos que os alumnos/ as poidan gozar das numerosas aventuras que poderán descubrir na nosa exposición.








FORMACIÓN DE USUARIOS, ALUMNOS/AS DE 1º.

O 10 de outubro realizamos unha actividade para a formación de usuarios co alumnado máis pequeno do centro.
Coñecemos as normas básicas para usar a biblioteca, vimos a historia de " Caramuñas" contada por uns nenos coma nos, a  profe  Cova contounos algúns contos a medias para que  viñeramos a buscalos á biblioteca se queriamos coñecer o seu final, cantamos e bailamos coa vaca  Pepa,... Divertímonos  un montón!
Agora só nos queda vivir grandes aventuras que atoparemos escondidas nos libros da nosa biblioteca.










Un saúdo, A Vaca Pepa.

martes, 8 de outubro de 2019

FORMACIÓN DE AXUDANTES DE BIBLIOTECA.

Estas semanas nas que a biblioteca está pechada, ademais de ordenar a biblioteca e actualizar os fondos, temos aos alumnos/as de sexto realizando unha formación para poder ser os nosos axudantes durante este curso.
Estos alumnos/as traballarán voluntariamente na biblioteca na hora dos recreos.
Que fan os axudantes de biblioteca?
  • Colocan os libros, mantendo en orde os andeis.
  • Separan e arranxan os libros estragados.
  • Coidan a biblioteca, manténdoa en orde.
  • Axúdante a atopar o libro que buscas.
  • Recomendan lecturas a outros colegas ou nenos e nenas pequenos/as.
  • Fan préstamos ás compañeiras e compañeiros.
  • Axudan a decorar e preparar a biblioteca para actividades especiais…
Como vedes...son uns campións!



A BIBLIOTECA ABRE AS SÚAS PORTAS O 11 DE OUTUBRO.

Ola a todos/as!

Queremos comunicarvos que a Biblioteca abre as súas portas o día 11 de outubro.

Lembrar que poderedes ir en diferentes momentos:

- acompañados dos vosos titores na hora de biblioteca,

- os alumnos/as de 3º,4º, 5º e 6º nas gardas custodia,

- todos os alumnos/as na hora do recreo,

- todos os alumnos/as polas tardes, de martes a venres, de 15:50 a 17:50.



Esperámosvos a todos/ as!

Un saúdo, A Vaca Pepa.





ACTIVIDADES DO MES DE OUTUBRO.

Durante o mes de outubro levaremos a cabo distintas actividades organizadas e coordinadas polos distintos equipos do centro (Dinamización da Lingua Galega, Extraescolares e Biblioteca)


Animarvos a participar prometémosvos que serán moi divertidas!


Esperámosvos na Biblioteca!

Un saúdo, A Vaca Pepa.