🌰 CELEBRAMOS O MAGOSTO NO COLE!🔥

Hoxe foi un día moi especial no noso colexio… celebramos o Magosto! 🍁
Os nenos e nenas gozaron dunha xornada chea de xogos populares e diversión, grazas á colaboración do ANPA, que organizou unha estupenda sesión de xogos para todos. 🎯🤹

Ao final do día, non puido faltar o momento máis esperado: a degustación das castañas asadas! 🌰🔥
Este ano, ademais, contamos coa presenza das familias, que nos acompañaron para compartir este momento tan bonito e tradicional. 💛

Foi unha xornada chea de bo ambiente, sorrisos e espírito de convivencia, tal e como se celebra o Magosto nas mellores festas do outono.

👏 Grazas ao ANPA, ás familias e a todo o alumnado por facer desta celebración un día tan especial.

Viva o Magosto no cole! 🎉

🔥 A BUSCA DAS CASTAÑAS PERDIDAS. 🔥

Escape Room do Magosto na Biblioteca da Vaca Pepa

O outono chegou á nosa escola cheo de cores, de follas e… de misterios! 🌰🍁
Este ano, desde a Biblioteca da Vaca Pepa, quixemos celebrar o Magosto dunha maneira diferente, divertida e chea de maxia.

Así naceu o noso Escape Room dixital: “A busca das castañas perdidas”, unha aventura interactiva creada para o alumnado de 1º e 2º de Primaria (6–8 anos).

Desde a nosa biblioteca seguimos apostando por proxectos creativos que mesturen lectura, cultura e novas tecnoloxías, facendo que cada celebración escolar se converta nunha oportunidade para aprender xogando.

🍄 UNHA MAÑÁ MOI MICOLÓXICA EN 4º! 🌿

Hoxe o alumnado de 4º de Primaria gozou dunha estupenda actividade sobre micoloxía, organizada polo Servizo de Medioambiente do Concello e a Asociación Medioambiental Amabul. 👏

A través dos talleres micófilos, os nenos e nenas aprenderon un montón de cousas sobre o fascinante mundo dos fungos: as súas formas, cores, cheiros e funcións na natureza.

Foi unha experiencia moi divertida e educativa, na que traballaron cos cinco sentidos para descubrir os segredos do bosque e valorar a importancia de coidar o medio que nos rodea. 🍁👃👁️👂✋

💚 Grazas ao Concello e á asociación Amabul por esta actividade tan enriquecedora!

💜 A HISTORIA DOS BONOBOS CON LENTES: LER, PENSAR E XOGAR POLA IGUALDADE. 💜

 Nas horas de biblioteca propoñemos unha nova lectura moi especial:

🦧 A historia dos bonobos con lentes, de Adela Turin e Nella Bosnia.

Neste conto, as bonobas deciden cambiar a súa vida e buscar un mundo máis xusto, facendo reflexionar sobre o respecto, a igualdade e a convivencia. Unha historia divertida e chea de cor que nos axuda a pensar que outro mundo é posible. 🌿

Para acompañar a lectura, preparamos un xogo interactivo onde o alumnado poderá descubrir a historia a través de actividades de comprensión, xogos de palabras e retos sobre as actitudes igualitarias.

Unha proposta para aprender lendo e xogando, coas cores e valores do 25N.

💜 EXPOSICIÓN POLA IGUALDADE NA NOSA BIBLIOTECA 📚

 Esta mes, na nosa biblioteca escolar, atoparedes unha pequena exposición pola igualdade na que poderedes descubrir libros moi especiais que nos axudan a reflexionar e aprender a respectar aos demais.

Entre eles atoparedes historias que falan de:
✨ O respecto ás persoas e á diversidade.
✨ A igualdade de xénero e a importancia de tratar a todos por igual.
✨ A figura da muller en diferentes ámbitos da vida e da historia.

Animámosvos a visitar a biblioteca, descubrir estas lecturas e aproveitar os libros para aprender a convivir dende o respecto e a empatía.

📲 Ademais, na plataforma E-LBE2 tamén podedes atopar contos e lecturas dixitais para seguir traballando temas como a violencia de xénero, o bo trato entre iguais ou historias que nos axudan a entender o mundo.

💜 Ler tamén é un xeito de cambiar o mundo.

💜 25N: CONTOS PARA EDUCAR NA IGUALDADE E NO BO TRATO 📚

 Desde a Biblioteca Escolar queremos compartir convosco unha selección de contos para traballar arredor desta data tan significativa, o 25 de novembro.

Estes libros axúdannos a reflexionar sobre a igualdade, o respecto, a empatía e o bo trato, valores que debemos cultivar todos os días do ano, non só nesta data. 🌈

📚 A proposta do Equipo de Biblioteca é que, ao longo deste mes, traballemos este tema na hora de lectura, aproveitando estas historias para dialogar, compartir ideas e aprender xuntos.

📖 Algúns destes contos xa están dispoñibles na biblioteca, e os que aínda non o están… chegarán moi pronto!

Sabemos que hai moitas máis historias fermosas para abordar este tema, pero esta é a nosa pequena proposta inicial para seguir aprendendo xuntos. 💫

🟣 A coeducación e o bo trato son tarefas de cada día… tamén dende os contos!

📚 XA TEMOS OS NOVOS AXUDANTES DE BIBLIOTECA! 🎉

Estamos moi contentos de anunciar que xa temos formada a nova equipa de axudantes da biblioteca deste curso. 🙌

O alumnado de 6º de Primaria presentou as súas solicitudes con moita ilusión, e agora comeza unha etapa chea de aprendizaxes, colaboración e compromiso coa nosa biblioteca escolar.

Os novos axudantes axudarán nas tarefas de organización, nos préstamos, nas actividades lectoras e, sobre todo, en facer da biblioteca un lugar vivo, acolledor e cheo de maxia. 💫

📖 Desde aquí queremos agradecer a todos e todas pola súa participación e dar a benvida oficial ao equipo de axudantes.
Estamos seguros de que faremos un gran traballo xuntos! 🐮💜

🍁📚 NOVIDADES DE NOVEMBRO NA BIBLIOTECA! 🎉

Chega novembro cargadiño de lecturas novas e divertidas aventuras!

Na nosa biblioteca atoparedes unha morea de novidades para todos os gustos:

📖 Narrativa e ficción para deixar voar a imaxinación.
📚 Poesía para emocionarse con palabras cheas de ritmo e sentimento.
🎨 Libros ilustrados que son auténticas xoias visuais.
💥 Cómics para rir, soñar e vivir mil historias en viñetas.
🌍 Libros temáticos e informativos para aprender cousas sorprendentes sobre o mundo que nos rodea.
🎲 E tamén... novos xogos de mesa para compartir momentos divertidos nos recreos!

💫 Achegádevos á biblioteca e descubrídeas todas. Hai historias que vos agardan entre as páxinas... e outras que farán voar a vosa curiosidade!

🐮 A vaca Pepa xa está a escoller a súa favorita... ¿e ti, cal probarás primeiro? 😉

🤖🎃 A VACA PEPA CONVÍDATE A PROGRAMAR NO SAMAÍN!👻

Muuu boas, lectores e lectoras da biblioteca! 🐮

Son Pepa, a vosa vaca favorita, e traio unha novidade moi especial para celebrar o Samaín 🎃:
un xogo de programación con temática de medo, no que tedes que guiar ao Bee-Bot entre cabazas, pantasmas e bruxas… sen perder o camiño! 😱

Coa axuda das vosas ordes e moita concentración, poderedes levar ao pequeno robot ata o seu destino final. Pero ollo! Hai trampas e sustos polo camiño… 👾

Con este xogo imos aprender a programar, pensar con lóxica e traballar en equipo, todo mentres nos divertimos co Samaín.

🕹️ ¿Preparados para o reto?
Achegádevos á biblioteca e axudade a Pepa e ao Bee-Bot a escapar do labirinto máis embruxado!

E para quen queira un reto extra, tamén temos outro xogo no que un rato famento ten que chegar ao queixo esquivando cabazas 🎃🧀.
¡Un desafío perfecto para os que se atrevan a pensar e programar con moita precisión!

🎃 UN SAMAÍN CHEO DE MAXIA NA BIBLIOTECA! 👻

Durante esta semana, a nosa biblioteca encheuse de risas, sustos e moita creatividade! 🕷️

Os talleres de marcapáxinas, contacontos, origami e historias en inglés tiveron unha participación fantástica, e queremos darvos as grazas a todos e todas por formar parte deste Samaín tan especial. 💀✨

Foi unha semana chea de momentos divertidos e de moita ilusión lectora.

📸 Aquí vos deixamos unha pequena mostra de fotografías para que revivades estes días tan máxicos.

🎃 Grazas por participar e facer da biblioteca un lugar cheo de vida e maxia!

🧪 AS APÓCEMAS MÁIS MÁXICAS DE SAMAÍN! 🎃

 O alumnado de 6º de Primaria puxo a traballar a súa imaxinación e... 💫 creou unhas apócemas moi especiais!

Entre caldeiros, ingredientes misteriosos e moita creatividade, elaboraron receitas cheas de maxia, humor e misterio, inspiradas no Samaín. 

Haberá apócemas para rir, para voar, para facer desaparecer o medo… e mesmo algunha para aprobar exames? 😜

Se queredes descubrir o resultado deste traballo tan creativo, podedes ler todas as apócemas no andar situado ao lado das aulas de sexto.

Non perdades a oportunidade de mergullarvos nestas lecturas embruxadas que seguro vos encantarán! 🧙‍♀️📚✨

🌍 O ATLAS DOS MONSTROS E PANTASMAS DO MUNDO 👻

Comezamos o viaxe polos continentes dende a nosa biblioteca… pero facémolo dunha maneira moi especial: a través dos monstros e pantasmas máis curiosos do planeta! 😱

O libro O atlas dos monstros e pantasmas do mundo (VV Kids) está cheo de historias divertidas, ilustracións incribles e criaturas sorprendentes. Está pensado para nenos e nenas a partir dos 6 anos, e nas súas 96 páxinas poderás coñecer monstros, espíritos e pantasmas de todos os recunchos do mundo.

👺 Europa, 🌍 África, 💀 Asia, 👻 América… cada continente agocha seres máxicos e lendas cheas de misterio!
E non te preocupes… as ilustracións son tan graciosas que non dan medo, dan ganas de rir!

Con este libro aprenderás:
✨ Historia e cultura dos pobos.
✨ A diferenza entre mitos, lendas e realidades.
✨ Xeografía e curiosidades do mundo.
✨ A rir mentres vencemos os medos.

Atréveste a converterte nun cazador ou cazadora de monstros?
Pepa xa ten o seu mapa preparado… e ti? 🐮📖🌏

🎃 SEMANA DE SAMAÍN NA BIBLIOTECA 👻

 Chega o Samaín á nosa biblioteca e con el… unha chea de actividades para pasalo de medo! 😱

Durante os recreos da semana que ven, poderedes participar en distintos obradoiros e xogos: marcapáxinas, contacontos, origami e pequenas historias en inglés.

Cada día haberá unha actividade diferente, así que non esquezas mirar o noso cartel informativo e escoller a túa favorita.
👉 Lembra que o aforo é limitado, así que chega axiña se queres participar!

Ven celebrar o Samaín connosco na biblioteca…
Prometemos sustos, risas e moita maxia lectora! ✨

👻 CREA O TEU PERSONAXE MÁIS TERRORÍFICO! 🎃

Esta semana, durante a vosa hora de biblioteca, convidámosvos a participar nunha actividade arrepiantemente divertida.

Leredes unha breve historia na que aparecen diferentes personaxes do Samaín e, a partir da súa descrición, deberedes debuxar como imaxinades a cada un. 🕯️✏️

Os debuxos máis terroríficos e orixinais serán expostos na biblioteca ou nalgún recuncho do cole, para que todos poidamos gozar desta exposición de medo e imaxinación.

Preparade os lapis, a creatividade… e moito valor! 💀

🕯️ XOGANDO COAS LETRAS NO SAMAÍN 🎃

Esta semana na biblioteca temos un xogo de lectoescritura moi especial!

O alumnado deberá ordenar as letras para formar palabras, seguindo as pistas que aparecen nas imaxes.

Hai dous niveis de dificultade, para que todos poidades participar e divertiros aprendendo. As palabras están, por suposto, relacionadas co Samaín: pantasmas, cabazas, morcegos… e algunha sorpresa máis! 👻

Achegádevos á biblioteca, xogade e deixade que o medo se convirta en aprendizaxe e diversión! 🐮📚✨ 

🎃 PASAPALABRA DO SAMAÍN 👻

O Samaín xa está aquí… e na biblioteca celebrámolo xogando!

Preparamos un Pasapalabra do Samaín, cheo de palabras misteriosas, criaturas sorprendentes e moita diversión.

🕯️ Participa, adiviña as palabras e demostra canto sabes sobre o mundo máis terroríficamente divertido do ano.

Achegádevos á biblioteca e animádevos a xogar!
Pepa xa está lista… e ti? 🐮💀📚

🎃 NOVIDADES DE SAMAÍN NA BIBLIOTECA 👻

Chega o Samaín e a nosa biblioteca énchese de lecturas arrepiantes e misteriosas! Temos novos contos, historias de medo, bruxas, pantasmas e moita imaxinación para desfrutar nestas datas tan especiais.

📚 Nos días previos ao Samaín poderedes visitar unha pequena exposición cos novos fondos relacionados con esta celebración.

Achegádevos á biblioteca, descubrídeos e deixade que o medo e a maxia vos acompañen… se vos atrevedes! 🕯️👀

BIBLIOTECA ESCOLAR + DESEÑO = VIAXE Á CREATIVIDADE

Un curso máis abrímoslle a porta á creatividade nas bibliotecas escolares, desta volta a través do deseño. O deseño que acompaña desde o inicio a comunicación escrita, que é orixe de tipografías, logotipos e páxinas, que consegue achegar a información da maneira máis impactante ou máis sutil. O deseño gráfico que atopamos desde a orixe dos tempos da escrita e que hoxe en día se espalla a través de aplicativos dixitais. Unha oportunidade para crear desde as bibliotecas do hoxe e do futuro, tecendo desde a nosa propia historia, coas referencias imprescidibles das editoriais Nós ou Castrelos, do Laboratorio de Formas e Ediciós do Castro… e de mestres do cartelismo como Xosé Vizoso. 

Propoñemos mirar os libros desde a súa orixe, coñecer o proceso da edición, da composición, da escolla de tipos, papeis, cubertas e encadernacións, da revisión da maqueta e da difusión… e coñecer as persoas que forman parte dese mundo da edición e do deseño gráfico. Deseño gráfico que tamén trascende do mundo do libro e está presente na publicidade, a prensa, as etiquetas, as marcas corporativas… e en tantos outros ámbitos da nosa vida cotiá.

🧫 EXPOSICIÓN DE MAQUETAS SOBRE AS CÉLULAS! 🔬

 O alumnado de 6º de Primaria converteuse nestes días en auténticos científicos e científicas! 👩‍🔬👨‍🔬

Como resultado do seu traballo, prepararon unha fantástica exposición de maquetas das células animal e vexetal, nas que amosan todo o que aprenderon sobre a súa estrutura e función.

As maquetas están cheas de creatividade, detalle e moita imaxinación, e podedes visitalas na planta onde se atopan as aulas de sexto.

💡 Animámosvos a achegarvos e descubrir estas pequenas marabillas, nas que ciencia e arte se unen para darlle vida ao mundo microscópico das células.

📚 ¡Non deixedes de visitar a exposición… seguro que vos sorprenderá!

💻 A NOSA BIBLIOTECA TAMÉN É DIXITAL! 📚

A plataforma de préstamo dixital E-LBE.2 procura ampliar as experiencias lectoras da comunidade educativa a través da lectura dixital. Grazas a ela, poderedes acceder a unha ampla selección de libros en formato electrónico, perfectos para seguir gozando da lectura en calquera lugar.

Durante estes días, o alumnado de 1º e 2º de Primaria recibirá o seu usuario e contrasinal para poder acceder á plataforma. Así, os vosos fillos e fillas contarán cun novo recurso para mellorar a competencia lectora e consolidar os hábitos de lectura.
📖 O resto do alumnado xa dispón deste servizo e pode seguir utilizándoo con normalidade.

🔑 Recordamos a toda a comunidade educativa que, unha vez dispoñades das credenciais, debedes seguir os pasos indicados no seguinte Genially, que vos guiará de maneira sinxela nos vosos primeiros pasos dentro da plataforma:

Ademais dos libros dispoñibles na nosa biblioteca escolar, agora poderedes gozar dunha gran variedade de títulos dixitais, adaptados a todos os gustos e idades.

📚 Lembrade: ler é viaxar, aprender e soñar… tamén en dixital! 💫

🌿RECORDAMOS A JANE GOODALL 🐒

 O 1 de outubro despedímonos dunha persoa moi especial: Jane Goodall, científica e amiga da natureza. Jane dedicou a súa vida a estudar aos chimpancés e a coidar o noso planeta, ensinándonos que cada ser vivo merece respecto e protección.

Grazas á súa curiosidade, paciencia e amor polos animais, coñecemos mellor aos chimpancés e aprendemos a importancia de coidar a natureza. O seu exemplo de ilusión, dedicación e agarimo polo mundo seguirá inspirándonos sempre. 🌎💚

Na nosa biblioteca, lembramos a Jane lendo e descubrindo as súas historias e traballos. Cada libro que abrimos é unha pequena homenaxe á súa vida e ao seu legado.

📄 NOVA FICHA DE LECTURA DISPOÑIBLE PARA O ALUMNADO 🐮

Temos preparada unha ficha de lectura para traballar con nenos e nenas na aula, dispoñible en galego e en castelán.

A ficha está pensada para ser sinxela de utilizar e adaptable a diferentes niveis do alumnado. Podedes descargala, imprimir e distribuír aos vosos alumnos e alumnas para traballar en clase ou como tarefa de biblioteca.

🐮 Pepa: ler é unha aventura, e estas fichas axudan a vivila ao máximo!

NOVIDADES DE OUTUBRO.

Chega o mes de outubro cargado de sorpresas lectoras! A nosa biblioteca énchese de novidades que che farán soñar, rir, investigar e imaxinar sen límites. Hai historias misteriosas, contos cheos de humor, aventuras con realidade aumentada e libros que nos fan pensar e sentir.

Tanto se che gustan os libros ilustrados, os cómics ou as historias que fan voar a imaxinación, este mes atoparás algo que te atrapará dende a primeira páxina.

Pepa, a nosa vaca lectora, convida a todo o alumnado a achegarse e descubrir estas novas lecturas.
📖 Lembra: podes levalas en préstamo co teu carné ou desfrutalas no recuncho de lectura durante os recreos.

Ven descubrir as novidades de outubro…

CONVOCATORIA AXUDANTES DE BIBLIOTECA

 

🐮 Convocatoria para ser Axudante de Biblioteca 🐮

Atención, alumnado de 6º de Primaria!

Xa temos aquí a convocatoria para cubrir as vacantes dos axudantes de biblioteca deste curso. 

Se che gusta ler, organizar libros, axudar aos compañeiros e formar parte dun equipo especial… esta é a túa oportunidade!

📝 Como participar:
Todo o alumnado de 6º de Primaria que presente a súa solicitude será incluído nos equipos de axudantes de biblioteca.
O prazo para entregar as solicitudes remata o 3 de outubro.

📚 Sesión de dinamización:
Antes de comezar, teredes unha sesión especial a cargo da responsable da biblioteca e das tutoras de 6º, onde coñeceredes os segredos e o funcionamento dunha biblioteca escolar. Así poderedes vivir a experiencia con máis ilusión e preparación.

💡 Por que ser axudante de biblioteca?

• Axudarás a manter a biblioteca ordenada e acolledora.

• Coñecerás mellor os libros e os servizos.

• Colaborarás en actividades e eventos lectores.

• Vivirás de preto o mundo da lectura e poderás compartir o teu entusiasmo co resto do alumnado.

💬 Mensaxe de Pepa, a nosa mascota:
“Estou desexando coñecer o novo equipo de axudantes de biblioteca. Grazas a vós, a nosa biblioteca será aínda máis divertida e acolledora. Conto convosco!” 🐮

Anímate a participar! Esperamos que gocedes desta experiencia e que vivades o mundo da biblioteca con ilusión e agarimo.

A Vaca Pepa 🐮

LEMBRAMOS AS NORMAS DA BIBLIOTECA

Ola a todos e todas! 

Son Pepa, a vaca da biblioteca, e quero lembrarvos algo moi importante: para que a nosa biblioteca sexa un lugar agradable para ler, xogar e compartir, todos debemos cumprir unhas pequenas normas.

🤫 Falamos baixiño para non molestar a quen está lendo.
📖 Coidamos os libros e deixámolos no seu sitio cando rematamos.
💞 Compartimos os xogos e tratamos o material con respecto.
😊 E, sobre todo… tratámonos con amabilidade!

Se todos poñemos o noso gran de area, a biblioteca será un espazo cheo de bo ambiente, ilusión e lectura.
Grazas por axudarme a coidala! 🐮💛

normas da biblioteca 

BENVIDOS E BENVIDAS A NOSA BIBLIOTECA.

 🐮 Ola! Son Pepa, a vaca da biblioteca 🐮

Muuuuu! 

Estou moi contenta de volvervos a ver. Comeza un novo curso cheo de historias, xogos e sorpresas. Agardo por todos vós na biblioteca do cole para ler, xogar e pasalo xenial. 📚✨

Na nosa biblioteca poderedes:

• Ler libremente eses libros que máis vos gustan.
• Xogar a xogos de mesa cos vosos compañeiros e compañeiras nos recreos.
• Participar en actividades e talleres sobre lectura e creatividade.
  

Xa sabedes: Pepa, a vaca da biblioteca, agarda por vós coas portas abertas e as estanterías cheas de historias.

¡Vinde, explorade, xogade e desfrutade! 🐮📚💫

Unha aperta moooooooi grande!

A Vaca Pepa 🐄

BIBLIOTECA DE VERÁN. ELBE

 Aquí tedes as recomendacións lectoras da plataforma de lectura dixital E-LBE.2

O NENO CAN. FINA CASALDERREY

No marco da área de Proxecto Competencial, o alumnado de 6º de Primaria mergullouse na lectura do libro O neno can, da autora galega Fina Casalderrey. Esta obra, sensible e profunda, aborda temas como a exclusión social, a amizade, o respecto á diversidade e o poder curativo do afecto.

Como produto final do traballo realizado, as dúas clases elaboraron un vídeo no que representan dous capítulos significativos do libro: “A voda de Leila” e “Unha tarde de baile única”.

En “A voda de Leila”, coñecemos a historia dunha nena que vive nun contexto cultural diferente e que, malia a súa xuventude, é prometida en matrimonio. A escena convida á reflexión sobre os dereitos da infancia, a liberdade de elección e o valor de escoitar e comprender outras realidades.

Pola súa parte, “Unha tarde de baile única” representa un momento de integración, onde a música e a amizade se converten en pontes que unen persoas distintas. Este capítulo transmite unha mensaxe de esperanza, mostrando que todos e todas temos un lugar onde ser aceptados tal como somos.

A través deste proxecto, o alumnado non só mellorou a súa competencia lingüística e audiovisual, senón que tamén traballou a empatía, a expresión emocional e o espírito crítico. Este vídeo é o resultado do seu esforzo, creatividade e compromiso cunha sociedade máis xusta e inclusiva. 

AGRADECEMENTO AOS AXUDANTES DA BIBLIOTECA.

 Esta semana, dende o equipo de biblioteca quixemos ter un pequeno xesto de agradecemento cos nosos fantásticos axudantes de biblioteca. 

Ao longo de todo o curso colaboraron con ilusión e responsabilidade nas distintas dinámicas que se desenvolveron durante os recreos. Por iso, recibiron un agasallo simbólico como recoñecemento ao seu gran labor. 

Grazas por formar parte deste equipo tan especial!

RECOMENDACIÓNS LECTORAS PARA O VERÁN.

 Aquí tedes as recomendacións lectoras deste ano. Escolle o teu nivel lector e prepárate para gozar lendo!

Recomendacións lectoras para oe Verán 2025 

Recomendacións lectoras para o verán 2025 

 

Recomendacións Lectoras para o Verán 2025 

Un saúdo

 Vaca Pepa

BELA E BESTA

 Este mes tivemos a gran sorte de desfrutar dunha representación moi especial: a obra Bela e Besta, posta en escena polo grupo de teatro Gargallada, formado polos nenos e nenas que participan na actividade extraescolar organizada pola ANPA. 

Toda a comunidade escolar puido asistir ao espectáculo, que nos encheu de emoción, risas e aplausos. 

Os pequenos actores estiveron espectaculares e regaláronnos unha versión fermosísima do clásico conto. 

Queremos agradecer e felicitar tamén á persoa responsable desta actividade, que fixo posible esta marabillosa experiencia. ¡Parabéns a todo o elenco!

Un saúdo, A Vaca Pepa

PASAPALABRA LETRAS GALEGAS 2025

 Aquí tedes un pasapalabra sobre as letras galegas deste ano. Espero que vos guste e que sexades capaces de completar o rosco. 

Ánimo! A Vaca Pepa

Tamén podedes xogar desde esta ligazón. https://vacapepa.my.canva.site/pasapalabra-letras-galegas-2025

DIA DAS LETRAS GALEGAS EN ELBE

Ademais da exposición que temos na biblioteca tamén podedes consultar máis libros relacionados coas letras galegas na nosa biblioteca dixital E-LBE.2

Un saúdo, A Vaca Pepa

O XOGO DOS BIRLOS

 

OS DARDOS DAS CANTAREIRAS

 

OS INSTRUMENTOS MUSICAIS TRADICIONAIS GALEGOS

 

EVA CASTIÑEIRA. BIOGRAFÍA DUNHA DAS HOMENAXEADAS NO DIA DAS LETRAS GALEGAS 2025

 

AS CANTAREIRAS E PANDEIRETEIRAS DE MENS

 

LETRAS GALEGAS 2025

Galicia celebrará este ano as Letras Galegas homenaxeando as cantareiras e a poesía popular.

Poñeran en valor a Mulleres que coa súa música e poesía popular foron baluartes da identidade e cultura galegas, recoñecendo o legado cultural das cantareiras e o seu papel na conservación do galego ao longo da historia.

Na nosa biblioteca atoparedes unha exposición de libros nos que se traballa as letras galegas deste ano.

Un saúdo, A Vaca Pepa

NOVIDADES DE MAIO

Durante o mes de MAIO temos na biblioteca unha pequena exposición das derradeiras novidades que podemos levar a casa.

Se clicas na imaxe poderás velas.

Un saúdo, A Vaca Pepa

CONTACONTOS NO MES DO LIBRO. 3º PRIMARIA

 O alumnado de 3º de Primaria sorprendeunos esta semana cunha actividade chea de creatividade e talento: representaron para todo o colexio dous contos traballados na aula, A mosca chosca e A tartaruga que quería durmir. 

Non só fixeron un fantástico labor como actores e actrices, senón que, nas distintas funcións, foron intercambiando os papeis con moita naturalidade. 

Detrás desta marabilla hai tamén un gran traballo por parte das súas mestras. 

Grandes e pequenos gozamos moitísimo dunha experiencia que quedou simplemente… ¡incrible!

23 DE ABRIL. DÍA MUNDIAL DO LIBRO

 

APRENDO A DEBUXAR PERSONAXES DE CONTO

Queres debuxar personaxes de conto? Caperucita, o Principiño, o lobo feroz....

Anímate! Ti podes!

Un saúdo, A Vaca Pepa

XOGAMOS CON CARAPUCHIÑA VERMELLA

Coñeces o conto de carapuchiña vermella? 

Realiza todas as actividades deste Genially para axudar a Carapuchiña. 

Un saúdo, A Vaca Pepa

RECOPILATORIO DE GENIALLYS PARA O DÍA DO LIBRO

 Aquí tedes algúns "genially" para traballar o día do libro.

Pasapalabra Disney. Respostas escritas.

Pasapalabra Disney. Respostas debuxadas.

Pasapalabra Disney con opcións.

Salvar os contos.

Dobble contos.