🐮📚 COMEZAMOS UNHA NOVA AVENTURA 📚

Muuu, muuuu! 🐮💚

Este curso, na Biblioteca da Vaca Pepa, temos preparada unha aventura moi especial.

Coa mirada posta no Xacobeo 2027, imos emprender un camiño para descubrir, aprender e gozar da nosa terra, da súa cultura, das súas historias e das súas tradicións. 🐚🥾📚

E para contarvos todo o que temos preparado, Vaca Pepa quere ser a encargada de presentarvos o noso novo proxecto: O Camiño da Orixe.

🎬 Preme no vídeo e descubre con ela esta nova aventura!

Estades preparados e preparadas para comezar o camiño?
👣🐚📚 A aventura acaba de comezar!

Muuu, muuuu!

🐮💚 Vaca Pepa

📚🔎 NOVIDADES DE OUTUBRO 📚🔎

Muuu, muuuu! 🐮💚

Chegan á Biblioteca da Vaca Pepa as novidades de outubro! 📚✨

Este mes presentamos unha selección moi especial de libros divulgativos pensados para axudarnos a preguntar, investigar, descubrir e aprender sobre o mundo que nos rodea. 🌍🔎

Porque este curso queremos percorrer xuntos e xuntas o noso camiño da información ao coñecemento:

❓ Facémonos preguntas.
🔎 Buscamos información.
🧠 Aprendemos e comprendemos.
💡 Creamos coñecemento.

📖 Achégate á biblioteca e descubre as novas incorporacións!

Muuu, muuuu! 

Boa andaina e boas lecturas! 🐮💚📚

🔎📚 UN CAMIÑO DA INFORMACIÓN AO COÑECEMENTO 🔎📚

Muuu, muuuu! 🐮💚

O lema das Bibliotecas Escolares de Galicia para o curso 2026/27 convídanos a ser persoas curiosas, críticas e investigadoras: facernos preguntas, buscar respostas, seleccionar e analizar información e transformala en coñecemento.

A biblioteca escolar convértese así nun punto de partida para aprender, investigar e compartir, combinando libros, recursos dixitais e diferentes fontes de información. 📚💻🔎

Este curso queremos percorrer xuntos e xuntas o camiño da información ao coñecemento, aprendendo tamén a identificar e afrontar a desinformación.

🧭 Preguntar, buscar, descubrir, aprender e compartir.

Boa andaina! 🐮💚📚

🍂📚 CHEGOU O OUTONO Á BIBLIOTECA DA VACA PEPA! 🍂📚

Muuu, muuuu! 🐮💚

As follas cambian de cor, os días son máis fresquiños e a biblioteca énchese de historias para gozar do outono. 🍁🍂

Hoxe queremos compartir con vós un conto moi especial para esta época do ano, unha historia para escoitar, mirar e deixar voar a imaxinación.

🎬 Preme no vídeo e déixate levar pola maxia do outono! 🍄🍁📖

E se despois do conto vos entran ganas de seguir lendo… temos unha sorpresa! 👀

📚 O libro está na Biblioteca da Vaca Pepa, tanto en castelán como en galego, para que poidades lelo, gozalo e compartilo na casa ou na aula.

Muuu, muuuu!

🐮💚 Vaca Pepa

🐮 UNHA NOVA RECOMENDACIÓN DA VACA PEPA 📚

Muuu, muuuu! 🐮💚

Hoxe tráioivos unha historia moi divertida na que os protagonistas non poden ser máis diferentes.

Ela é unha meniña chea de enerxía, que non para quieta nin un segundo. ⚡
El é máis tranquilo, tímido e moi observador. 👀

Pero… que pasaría se estes dous personaxes tan diferentes se fixesen amigos?

En A meniña furacán e o meniño esponxa, Ilan Brenman, acompañado polas expresivas ilustracións de Lucía Serrano, convídanos a descubrir que as nosas diferenzas poden enriquecernos e axudarnos a aprender uns dos outros.

Unha pequena proposta para pensar, falar, comprender a historia e reflexionar sobre as diferenzas e a amizade. 💚

Animádesvos a descubrir que poden aprender xuntos a meniña furacán e o meniño esponxa?

Muuu, muuuu! E a gozar da lectura! 🐮📖💚

📝 E despois da historia...

Na biblioteca deixámosvos unhas fichas educativas para traballar despois de ler, escoitar ou ver o conto. 📚👀👂

🐮BUSCAMOS AXUDANTES DE BIBLIOTECA! 📚

 Muuu, muuuuu! 🐮💚

Ola, rapaces e rapazas!

Este curso teño unha misión moi importante para vós…

📚 Busco axudantes de biblioteca! 📚

Se vos gusta a biblioteca, os libros e colaborar para que todo estea preparado, esta pode ser a vosa oportunidade! 😊

Axudaredes a coidar os libros e o espazo, colaborar durante os recreos e botar unha man nas diferentes tarefas da biblioteca.

Se queredes formar parte do meu equipo presentade a vosa solicitude! 👀

Eu xa estou desexando coñecer os novos membros do meu equipo.

Animádesvos?

🐮💚 Vaca Pepa

🐮HORARIO DA BIBLIOTECA 📚

Muuu, muuuuu! 🐮

Ola, rapaces, rapazas e profes!

Aquí tedes o horario da biblioteca para este curso. 📚

A biblioteca será un espazo para ler, aprender, compartir e gozar, tanto para o alumnado como para o profesorado.

E, profes, non esquezades que os ocos libres tamén son vosos! 😉

Se necesitades a biblioteca para unha actividade, unha lectura, un proxecto ou calquera outra proposta que xurda ao longo do curso, podédesvos aproveitar deses momentos nos que estea libre.

Porque a biblioteca é de todos e todas e queremos vela chea de vida durante todo o curso! 💚📖

Vémonos na biblioteca!

🐮 Vaca Pepa