O PAPAGAIO.

O PAPAGAIO é un xornal para a xente miúda, impreso en papel reciclado e a cor. Non contén publicidade, ten periodicidade mensual, e ao longo das 12 páxinas que o compoñen trata temas de ciencia, ecoloxía, arquitectura, banda deseñada, literatura...
Os contidos das seccións están supervisados por especialistas na materia e ilustrados por diferentes autores e autoras.
O obxectivo do xornal é que as nenas e nenos se interesen pola ciencia, a ecoloxía, a historia ou a arte, entre outras, dunha forma amena e divertida.

Na  nosa Biblioteca podedes atopar numerosos exemplares deste xornal. Como agora non podemos lelo fisicamente, estes días permítennos ler algúns deles en formato dixital.

Animádesvos a botarlles un ollo?

Un saúdo, A Vaca Pepa.